Өргөдөл, гомдлын шийдвэрлэлтийн тайлан, мэдээ
ДОРНОГОВЬ АЙМГИЙН ЗАМЫН-ҮҮД СУМЫН ТӨРИЙН БАЙГУУЛЛАГА, АЛБАН
ТУШААЛТАНД ХАНДАЖ ИРГЭДЭЭС 2025 ОНЫ ХАГАС ЖИЛИЙН БАЙДЛААР ИРҮҮЛСЭН ӨРГӨДӨЛ, ГОМДЛЫН ШИЙДВЭРЛЭЛТИЙН ТАЙЛАН
2025.06.25 Борхойн тал
Дорноговь аймгийн Замын-Үүд сумын Засаг дарга, түүний Тамгын газар, Төсөвт байгууллагуудад иргэдээс ирүүлсэн өргөдөл, гомдол, санал хүсэлтийг “Иргэдээс Төрийн байгууллага, албан тушаалтанд хандан гаргасан өргөдөл, гомдлыг шийдвэрлэх тухай” хууль, Архив, албан хэрэг хөтлөлтийн тухай хууль, Засгийн газрын 2005 оны 67 дугаар тогтоол, Дорноговь аймгийн Засаг даргын Тамгын газарт ирсэн өргөдөл, гомдол, санал хүсэлтийг хянан шийдвэрлэх тухай журмын хүрээнд бүртгэж, шийдвэрлэж ажиллалаа.
Дорноговь аймгийн Засаг даргын 2021 оны 02 дугаар сарын 01-ний өдрийн 1 дүгээр албан даалгаврын хэрэгжилтийг хангаж, иргэдээс ирүүлсэн өргөдөл, гомдлыг хүлээн авч, шуурхай шийдвэрлэх зорилгоор утсаар, цахимаар, амаар авах нөхцөлийг бүрдүүлж сумын Засаг даргын Тамгын газрын өргөдөл гомдол, санал хүсэлт хүлээн авах утас 77777525, Замын-Үүд сумын Засаг даргын Тамгын газар цахим хуудсаар, бичгээр Засаг даргын Тамгын газрын нэг цэгийн үйлчилгээний өрөөнд хүлээн авч шийдвэрлэсэн.
Сумын Засаг даргын Тамгын газарт 2025 оны хагас жилийн байдлаар нийт 291 өргөдөл гомдол санал хүсэлт бүртгэгдсэн. Үүнээс дулааны шугам сүлжээ, цэвэр ус татуулахтай холбоотой 130 өргөдөл буюу 44.6%, Засаг даргад дэмжлэг хүсэх, хүсэлт шийдвэрлүүлэх тухай өргөдөл 66 буюу 22.6%, Алдарт эхийн одон авах талаар 50 буюу 17.18%, Газрын асуудал шийдвэрлүүлэх тухай өргөдөл 17 буюу 5.8%, Асран хамгаалагч, харгалзан дэмжигчээр тогтоолгох тухай өргөдөл 4 буюу 1.3%, Цахимаар хүлээн авч шийдвэрлэсэн санал, хүсэлт 20 буюу 6.8%, өргөдөл, шийдвэрлэх хугацаа болоогүй өргөдөл 4 буюу 1.3% байна. Удирдлагын заалтаар хугацаа сунгасан өргөдөл байхгүй. Нийт 2025 оны хагас жилийн байдлаар өргөдөл гомдол шийдвэрлэлт 98.6% байна.
МЭДЭЭ ГАРГАСАН:
ДОТООД АЖИЛ ХАРИУЦСАН
МЭРГЭЖИЛТЭН Б.МӨНХБААТАР
/утас: 80006292/
МЭДЭЭ ХЯНАСАН:
ЗАМЫН-ҮҮД СУМЫН ЗАСАГ ДАРГЫН
ТАМГЫН ГАЗРЫН ДАРГА Л.ЛХАГВАСҮРЭН
/утас: 88811112/
