2023 БНХАУ-ЫН ОЛОН УЛСЫН ЭДИЙН ЗАСАГ ХУДАЛДАА ХӨРӨНГӨ ОРУУЛАЛТЫН ЭРЭЭН ХОТ ЧУУЛГА УУЛЗАЛТ БА ҮЗЭСГЭЛЭН ХУДАЛДАА БНХАУ-ЫН ЭРЭЭН ХОТОД АМЖИЛТТАЙ ЗОХИОН БАЙГУУЛАГДЛАА.
Монгол,Хятад, Орос гурван улсын эдийн засгийн коридорын зам дагуух бүс нутгийн хамтын ажиллагааг өргөжүүлэх зорилго бүхий олон
улсын эдийн засаг, худалдаа, хөрөнгө оруулалтын чуулга уулзалт, үзэсгэлэн худалдаа 08 дугаар сарын 30-наас 09 сарын 3-ны өдрийг хүртэл ӨМӨЗО-ны Эрээн хотын олон улсын хурал үзэсгэлэнгийн төвд зохион байгуулагдсан.
Тус үзэсгэлэн худалдаа, олон улсын форум нь 2009 оноос эхлэн БНХАУ-ын Эрээн хотноо уламжлал болгон жил бүр зохион байгуулагдаж байсан бөгөөд цар тахлын улмаас 4 жил завсарласны дараа “Боломжоо хуваалцаж, хамтын хөгжлийг эрэлхийлж, хөгжил цэцэглэлтийг хамтдаа бүтээцгээе” уриан дор Монгол, Хятад, Орос гурван орны хил дамнасан тээврийн чадавхийг сайжруулах, аялал жуулчлалын хамтын ажиллагаа солилцоо, Монгол, Хятадын ашигт малтмалын худалдаа солилцоо, Монгол, Хятад Оросын хөдөө аж ахуйн бүтээгдэхүүний аж үйлдвэрлэл зэрэг таван сэдвийн хүрээнд явагдаж байгаагаараа онцлог боллоо.
Олон улсын эдийн засаг, худалдаа, хөрөнгө оруулалтын чуулга уулзалт, үзэсгэлэн худалдаанд Монголын Улсын талаас УИХ-ын гишүүн,
Байгаль орчин, хүнс хөдөө аж ахуйн байнгын хорооны дарга Б.Саранчимэг, ЗТХЯ-ны Төрийн нарийн бичгийн дарга С.Батболд, МҮХАҮТ-ын дарга Т.Дүүрэн, БОАЖЯ болон Гадаадын иргэдийн харьяатын газар, хил залгаа аймгуудын Засаг дарга нар болон Засгийн газрын хэрэгжүүлэгч агентлаг Жижиг дунд үйлдвэрийн газрын дарга Ч.Эрдэнэсайхан болон жижиг дунд бизнес эрхлэгч 90 гаруй, нийт 100 орчим төлөөлөгч оролцож, олон улсын бараа бүтээгдэхүүний 500 павилон ажиллаж, автомашин, хүнд машин механизм, хүнсний бүтээгдэхүүний үзэсгэлэнгийн долоон хэсэгт ОХУ, Монгол Улс, БНХАУ-ын иргэд бараа бүтээгдэхүүнээ сурталчилан арга хэмжээ амжилттай зохион байгуулагдлаа.
