АЙМГУУДЫН ӨРСӨЛДӨХ ЧАДВАРЫН ЕРӨНХИЙ ҮНЭЛГЭЭГЭЭР 2 ЖИЛ ДАРААЛАН ДОРНОГОВЬ АЙМАГ ТЭРГҮҮЛЭВ
Эдийн засгийн бодлого, өрсөлдөх чадварын судалгааны төвөөс аймгуудын эдийн засгийн хөгжлийг тодорхойлж, Монгол Улс болон аймгуудын өрсөлдөх чадварын тайланг 11 дэх жилдээ танилцуулж, Дорноговь аймаг дахин тэргүүлснийг онцлон зарлалаа.
Өрсөлдөх чадварын тайланд эдийн засгийн тамир тэнхээ, засаглалын үр ашиг, бизнесийн үр ашиг, дэд бүтэц гэх үндсэн дөрвөн бүлгийн хүрээнд нийт 174 шалгуур үзүүлэлтээр үнэлж тооцдог байна.
ДОРНОГОВЬ аймаг нь Монгол Улсын хэмжээнд 21 аймгаас:
- 2017 онд VIII байр,
- 2018 онд IV байр,
- 2019 онд III байр,
- 2020 онд II байр,
- 2021 онд I байр
- 2022 онд I байранд эрэмбэлэгдэж, жилээс жилд эрэмбээ ахиулсаар, тэргүүн байраа бататгажээ.
