БАЯР НААДМЫН АЗАРГА, ДААГА, ХЯЗААЛАНГИЙН УРАЛДААН БОЛЖ ӨНДӨРЛӨЛӨӨ
_______________________________________________________
Ардын хувьсгалын 100, 101 жил, Дорноговь аймаг байгуулагдсаны 90, 91 жил, Замын-Үүд сум үүсч хөгжсөний 28 жилийн ойн баяр наадмын Азарганы уралдаан, Хязаалан насны уралдаан, Дааганы уралдаан 2022 оны 07 дугаар сарын 07-ны өдөр боллоо.
Азарганы уралдаанд Сайхандулаан сумын уяач Ч.Идэрхүүгийн хүрэн халзан түрүүлж, Сайхандулаан сумын уяач С.Хүрэлсүхийн бор аман хүзүүдэж, айргийн гуравт Өргөн сумын уяач, САУ Л.Амарбаясгалангийн хээр будан, айргийн дөрөвт Дэлгэрэх сумын алдарт уяач У.Өсөхбаярын хонгор халзан, айргийн тавт Замын-Үүд сумын уяач Б.Энхбатын хонгор хурдаллаа.
Хязаалан насны морьдын уралдаанд Замын-Үүд сумын уяач Ч.Амарбаясгалангийн хээр морь түрүүлж, аман хүзүүнд Улаанбадрах сумын уяач Б.Ганзоригийн өсгий цагаан зээрд хурдаллаа. Айргийн гуравт Сайншанд сумын уяач Ш.Учралын хээр морь, айргийн дөрөвт Замын-Үүд сумын уяач, САУ Ж.Бямбацогтын хээр морь, айргийн тавд Замын-Үүд сумын уяач Э.Отгон-Эрдэний шарга морь тус тус хурдалсан байна.
Дааганы уралдаанд түрүү байрыг Замын-Үүд сумын уяач, аймгийн алдарт уяач Б.Отгонсэлэнгийн ягаан морь, аман хүзүүнд Улаанбадрах сумын уяач А.Баттогтохын хээр морь, айргийн гуравт Дэлгэрэх сумын уяач, САУ У.Өсөхбаярын зээрд халзан даага, айргийн дөрөвт Сайхандулаан сумын уяач Ч.Идэрхүүгийн бор даага, айргийн тавд Өргөн сумын уяач Б.Баярбилэгийн бор халзан даага, Баян ходоодонд Замын-Үүд сумын уяач Б.Отгонбаярын хээр даага хурдалж уясан эзэн, унасан хүүхэд, хурсан олныг баясгалаа.
