БАЯР НААДМЫН СОЁОЛОН, ИХ НАС, ШҮДЛЭН НАСНЫ МОРЬДЫН УРАЛДААН БОЛЖ ӨНДӨРЛӨЛӨӨ
_______________________________________________________
Ардын хувьсгалын 100, 101 жил, Дорноговь аймаг байгуулагдсаны 90, 91 жил, Замын-Үүд сум үүсч хөгжсөний 28 жилийн ойн баяр наадмын Соёолон, Их нас, Шүдлэн насны морьдын уралдаан 2022 оны 07 дугаар сарын 08-ны өдөр боллоо.
Соёолон насны уралдаанд Сайхандулаан сумын уяач Ч.Идэрхүүгийн бор түрүүлж, Замын Үүд сумын Сумын алдарт уяач Ч.Амарбаясгалангийн хээр аман хүзүүдэж, Өргөн сумын Сумын алдарт уяач Б. Батбаатарын ухаа Гутгаар байр, Өргөн сумын Сумын алдарт уяач Т.Амгаланбаатарын зээрд халзан Дөрөвдүгээр байр, Замын-Үүд сумын Онцгой байдлын Гал унтраах 17-р ангийн Б.Хүрэлчулууны зээрд Тавдугаар байранд, Их насын уралдаанд Замын-Үүд сумын Аймгийн алдарт уяач Б.Мөнхчулууны хээр түрүүлж, Замын-Үүд сумын Аймгийн алдарт уяач Б.Отгонсэлэнгийн хээр аман хүзүүдэж, Сайхандулаан сумын Ч.Идэрхүүгийн сартай хээр Гуравдугаар байр, Замын-Үүд сумын Хилийн цэргийн 0108 дугаар ангийн Сумын алдарт уяач С.Энхбаярын зээрд Дөрөвдүгээр байр, Замын-Үүд сумын Б.Баттогтохын хар айргийн тавд, Шүдлэн насны уралдаанд Замын-Үүд сумын Сумын алдарт уяач Э.Отгон-Эрдэний хонгор түрүүлж, Замын-Үүд сумын уяач П.Нямбаярын хүрэн халзан аман хүзүүдэж, Замын-Үүд сумын уяач Г.Батмягмарын хээр гуравдугаар байр, Сайншанд сумын уяач Ш.Учралын хээр дөрөвдүгээр байр, Замын-Үүд сумын Б.Ангирагийн хүрэн халзан айргийн тавд тус тус хурдалж уясан эзэн, унасан хүүхэд, хурсан олныг баясгалаа.
Уясан морьд нь хурдан, уралдаанч хүүхэд нь сэргэлэн байх болтугай.
