БООМТЫН СЭРГЭЛТИЙН БОДЛОГО АМЖИЛТТАЙ ХЭРЭГЖИЖ БАЙНА.
Сүүлийн жилүүдэд төмөр замын тээврийн хэмжээ эрчимтэй нэмэгдэж байгаатай холбоотойгоор тээх, нэвтрүүлэх хүчин чадлаа өсгөх ажлын хүрээнд 2022 онд Замын-Үүд2 - Шаргын овоо хоорондын 14,2 км хос замыг, Замын-Үүд - Эрээн хоорондын нарийн царигийн 4,6 км хоёр дахь замыг барьж шинэ жилийн босгон дээр ашиглалтад хүлээн авлаа. Ес эхэлсэн өвлийн тэсгим хүйтэнд манай төмөр замчид уг замыг богино хугацаанд чанарын өндөр үзүүлэлттэй барьж ашиглалтад оруулж байна. Замын-Үүд 2 – Шаргын овоо хоорондын 14,2 км замыг хос болгосноор ачаалал өндөр урд хэсэглэлийн гол замаа хос болгох ажлын эхлэл болж байгаа бөгөөд 2022 онд уг ажлыг хийснээр тус хэсгийн нэвтрүүлэх чадвар хоногт 25 хос галт тэргээс 48 хос галт тэрэг болж нэмэгдэхээс гадна тээх хүчин чадал нь 16,7 сая тонноос 21,9 сая тонн болж өснө. Эдгээр ажил нь Монгол Улсын Засгийн газраас зарласан боомтын сэргэлтийн бодлогыг хэрэгжүүлэх, экспорт, импорт, дамжин өнгөрөх тээврийн хэмжээг нэмэгдүүлэх ажлын хүрээнд хийгдэж байгаа чухал ач холбогдолтой бүтээн байгуулалт болж байна. Хос болон нарийн царигийн хоёр дахь замыг ашиглалтад хүлээн авах комиссыг УБТЗ-ын Ерөнхий инженер С.П. Старцев ахалж Засаг дарга Б.Анхбаяр, инженер техникийн ажилчид Замын-Үүд зангилаанд ажиллав.Энэхүү төмөр замын бүтээн байгуулалтад орон нутгийн зүгээс дэмжлэг үзүүлж замын суурь бүтцийн далангийн материалыг 1м кубийг 1 төгрөгөөг тооцож олгосон юм.
Төмөр замчдын яруу алдар бадартугай.
