БҮТЭЭН БАЙГУУЛАЛТЫН АЖИЛ
Монгол Улсын Засгийн газрын 2020-2024 оны үйл ажиллагааны хөтөлбөр, сумын Засаг даргын “Хөгжлийн төлөө хамтдаа-2” хөтөлбөрийг хэрэгжүүлэх ажлын хүрээнд 4200 иргэнд анхан шатны төрийн үйлчилгээг түргэн шуурхай хүргэх зорилгоор аймгийн хөрөнгө оруулалтын- 806 600 000 сая төгрөгөөр Замын-Үүд сумын 1-р багт “Иргэдийн хөгжлийн төв” шинээр ашиглалтад ороход бэлэн болж байна.
ХҮЧИН ЧАДАЛ: Барилга нь тэнхлэгээрээ 15х12.4 метр харьцаатай, В1 давхартайгаа 3 давхар болно. Тус барилга нь зоорийн давхартаа агуулах техникийн өрөө, 1 дүгээр давхартаа ажлын өрөөнүүд, ариун цэврийн өрөө, коридор, шатны хонгил, 2 дугаар давхартаа, Багийн Засаг дарга, дотоод ажил, хуралдааны зориулалттай иргэний танхим, хэсгийн ахлагч нарын өрөө, ариун цэврийн өрөө бүхий даацын тоосгон ханатай угсармал хучилттай барилга болно.
Тус иргэдийн хөгжлийн төв нь өмнөх онуудад баригдсан багийн хөгжлийн төвийн жишгээр баригдсан бөгөөд багийн ажлын алба, багийн Иргэдийн Нийтийн Хурлын танхим, Татварын тасаг, Өрхийн эмнэлэг байрлаж, иргэдэд төрийн үйлчилгээг нэг цэгээс түргэн шуурхай, чанартай хүргэх нөхцөл бүрдүүлж, төрийн байгууллагын анхан шатны нэгжийн ажилтан албан хаагчдын ажиллах орчин нөхцөл, ажлын уялдаа холбоо сайжирч байгаа юм.
