Дорноговь аймгийн Хөдөлмөр, халамжийн үйлчилгээний газраас Монгол Улсын гавьяат хуульч, Хөдөлмөрийн харилцааны зөвлөх багш Ц.Бадиагаар удирдуулан сургалт зохион байгууллаа.
Сургалтад Замын-Үүд сумын боловсрол, эрүүл мэндийн байгууллагын удирдлагууд хамрагдаж, Хөдөлмөрийн тухай хуулийн шинэчлэл, хэрэгжилтийн онцлог болон хөдөлмөрийн харилцаатай холбоотой чухал асуудлуудын талаар мэдлэг, ойлголтоо нэмэгдүүлэв.
Энэхүү сургалтын үеэр хөдөлмөрийн эрх зүйн зохицуулалтын талаар онол, практикийн мэдээлэл өгч, оролцогчдын асуултад хариулан тулгамдсан асуудлыг шийдвэрлэх арга замын талаар зөвлөгөө өгсөн нь онцгой ач холбогдолтой боллоо.
Мөн Хөдөлмөрийн хяналтын улсын ахлах байцаагч Б.Батхуяг хөдөлмөрийн аюулгүй байдал, эрүүл ахуйн талаарх сургалт мэдээлэл өгч, байгууллагуудын хөдөлмөрийн нөхцөл, ажилтны эрүүл мэндийг хамгаалахад чиглэсэн зөвлөмжүүдийг хүргэлээ.
