ЕРӨНХИЙ БОЛОВСРОЛЫН 4 ДҮГЭЭР СУРГУУЛЬ АШИГЛАЛТАД ОРЛОО
Тус суманд 640 хүүхдийн багтаамжтай Ерөнхий боловсролын 4 дүгээр сургууль сургалтын үйл ажиллагаа эхлүүлж 2025 оны 10 дугаар сарын 02-ны өдөр нээлтийн арга хэмжээ зохион байгуулагдлаа.
Нээлтийн арга хэмжээнд Монгол Улсын Их Хурлын гишүүн, Засгийн газрын гишүүн, Зам, тээврийн сайд, Дорноговь аймгийн Нутгийн зөвлөлийн тэргүүн Б.Дэлгэрсайхан Дорноговь аймгийн Засаг дарга О.Батжаргал, Дорноговь аймгийн Иргэдийн Төлөөлөгчдийн Хурлын дарга Н.Алдарбаяр, Дорноговь аймгийн Боловсролын газрын дарга М.Энхболд, Замын-Үүд сумын Иргэдийн Төлөөлөгчдийн Хурлын дарга О.Үүрцайх, Замын-Үүд сумын Засаг дарга Б.Анхбаяр нар оролцож суралцагч нарт сургалтын өндөр амжилт хүслээ.
Сургуулийн барилгын ажил 2022 онд Улсын төсвийн болон аймгийн төсвийн хөрөнгө оруулалтаар шийдвэрлэж, бүтээн байгуулалтын ажлыг “БИЛГҮҮН МОНГОЛ КОНСТРАКШН” ХХК гүйцэтгэн ашиглалтад оруулж байна.
ЗАМЫН-ҮҮД СУМЫН ЗАСАГ ДАРГЫН ТАМГЫН ГАЗАР
