“ГЭРИЙН НӨХЦӨЛД ХҮНСНИЙ НОГОО ТАРИАЛЪЯ” АЯН ҮРГЭЛЖИЛЖ БАЙНА
____________________________________________________________
Замын-Үүд сумын Засаг даргын үйл ажиллагааны “Хөгжлийн төлөө бид хамтдаа-2” хөтөлбөрийн хэрэгжилтийг хангах зорилгоор 2022 оныг “Эко орчныг бүтээх жил” болгон зарласан.
Нэрэмжит жилийн хүрээнд орон нутгийн газар тариалан эрхлэгч иргэдийн тоог нэмэгдүүлэх, санал санаачилгыг дэмжихээр 2022 оны 04 дүгээр сарын 20-оос 2022 оны 10 дугаар сарын 01-ийг хүртэл “ГЭРИЙН НӨХЦӨЛД ХҮНСНИЙ НОГОО ТАРИАЛЪЯ” аян зохион байгуулагдаж байна.
Иймд өрхийн тариалан эрхлэгч нарт хүнсний ногоо тариалах, хураан авах чиглэлээр сонирхолтой мэдээллийг цувралаар хүргэж байна.
НОГОО ХӨЛДӨӨЖ ХАДГАЛАХ АРГА
Та нар маань утсан дээрээ хадгалаад, ногоогоо нэг бүрчлэн хөлдөөж аваарай . Зөв хөлдөөж хадгалсан ногоо “улирал андуурч ургасан” шинэхэн, үнэтэй ногооноос шим тэжээл, витаминаар баялаг байдаг гэнэ.
Хүрэн манжин: бүхлээр нь чанаад, хөргөөд, халислаад, цагиргалан хэрчээд уутанд хийж амсарыг нь наагаад хөлдөөнө.
Брокколи: цэцэг хэсгийг жигд хэмжээтэй зүсч аваад давстай усанд 20 минут байлгаж цэцгэн дотор нуугдсан өт хорхойноос салгаад цэвэр усаар зайлж хатаагаад хөлдөөнө.
Лууван: арилгаад угаагаад хэрчээд хөлдөөнө.
Цагаан цэцэгт байцаа: мөн брокколи шиг цэцэг хэсгийг жигд хэмжээтэй зүсч аваад давстай усанд 20 минут байлгаж цэцгэн дотор нуугдсан өт хорхойноос салгаад цэвэр усаар зайлж хатаагаад хөлдөөнө.
Эрдэнэ шиш: эрдэнэ шишээ халислаад утаснуудыг авч хаяаад үрнүүдийг тойруулан зүсч аваад уутанд хийн хөлдөөж хадгална.
Сонгино: арилгаад хэрчээд уутлаад хөлдөөнө.
Чинжүү: дээд хэсгийг аваад үрийг ухаж гаргаад савхан хэлбэртэй хэрчиж хөлдөөнө.
Хулуу: хатуу гадаргийн хальсийг төмс ногоо арилгагчаар арилгаад үртэй хэсгийг ухаж хаяад жижиглэн хэрчиж зууханд эсвэл жигнэж болгоод хөргөөд нухашлаад уутлан хөлдөөнө.
Бууцай: угаагаад хатаагаад уутлан хөлдөөнө.
зуккини (хулуу): жижгэвтэр хулуу сонгож аваад угаагаад дээд доод хэсгийг авч хаяад савхан хэлбэртэй хэрчээд хөлдөөнө.
Бор самар: самараа угаагаад хатаахгүйгээр уутлаад хөлдөөнө. Идэх үедээ печэнд жаахан халааж гэсгээхэд шинээрээ байдаг. Зөв бэлдээд, агаар оруулахгүй вакум орчин үүсгэн уутлаад байнгийн хөлдүү байдалтай хадгалж чадвал ихэнх ногоог 8-10 сар хадгалж болно. Хөлдөөсөн ногоонуудаа нэг удаа хэрэглэхээр савлаж хадгалаад хөлдүү чигээр нь (гэсгээлгүйгээр) хоолондоо хийж хэрэглэнэ.
