ХОЁР ТАЛЫН ХАМТЫН АЖИЛЛАГААГ ТОГТВОРТОЙ ХӨГЖҮҮЛЭХ ЗОРИЛГООР ХАМТЫН АЖИЛЛАГААНЫ ГЭРЭЭ БАЙГУУЛЖ, ХЭРЭГЖИЛТИЙГ УЛИРАЛ ТУТАМ ДҮГНЭН ТОГТМОЛ УУЛЗАЛТ ЗОХИОН БАЙГУУЛЖ АЖИЛЛАХААР ХЭЛЭЛЦЭН ШИЙДВЭРЛЭЛЭЭ
Монгол Улс, БНХАУ-ын Замын-Үүд–Эрээн боомтын 2026 оны хамтарсан уулзалт зохион байгуулагдаж, хоёр талын хамтын ажиллагааг өргөжүүлэн хөгжүүлэх чиглэлээр дараах асуудлуудыг хэлэлцэн санал солилцлоо.
Уулзалтын үеэр Монголын талаас дараах саналуудыг дэвшүүлэв. Үүнд:
• Хоёр хотын нутаг дэвсгэрийн хог хаягдлын менежментийг сайжруулах, ногоон байгууламжийг нэмэгдүүлэх чиглэлээр хамтын ажиллагааг өргөжүүлж, харилцан туршлага солилцон, хамтарсан арга хэмжээнүүдийг хэрэгжүүлэх
• Хилээр нэвтрэх ачааны автомашины урсгал, дарааллын зохион байгуулалтыг сайжруулах чиглэлээр мэдээлэл солилцож, үр ашигтай зохицуулалтын шийдлүүдийг тодорхойлох
• Замын-Үүд–Эрээн эдийн засгийн хамтын ажиллагааны бүсээр дамжуулан экспорт, импортын үйл ажиллагааг нэмэгдүүлэх боломжийг хэлэлцэх
• Хоёр талын хамтын ажиллагааг тогтвортой хөгжүүлэх зорилгоор хамтын ажиллагааны механизмыг тодорхойлсон гэрээ байгуулж, хэрэгжилтийг улирал тутам дүгнэн, тогтмол уулзалт зохион байгуулж хэвших
Тус уулзалтад:
Сумын Иргэдийн Төлөөлөгчдийн Хурлын дарга,
Сумын Засаг дарга
Сумын ИТХ-ын төлөөлөгч
Захирагчийн ажлын албаны дарга
Гадаадын иргэн, харьяатын газрын Дорноговь аймаг дахь газрын дарга
Цагдаагийн байгууллагын удирдлага
Хилийн цэргийн ангийн төлөөлөл
Гаалийн байгууллагын удирдлага
Автотээврийн үндэсний төвийн салбарын дарга
УБТЗ-ын Замын-Үүд өртөө болон холбогдох нэгжүүдийн удирдлага
Боомтын захиргааны төлөөлөгч
ИТХ болон Засаг даргын Тамгын газрын холбогдох албан хаагчид оролцов.
Энэхүү уулзалт нь Замын-Үүд–Эрээн боомтын хамтын ажиллагааг шинэ шатанд гаргах, хил орчмын эдийн засгийн идэвхжил, харилцан ойлголцлыг бэхжүүлэхэд чухал ач холбогдолтой боллоо.
