ХУДАЛДАА, ҮЙЛЧИЛГЭЭ ЭРХЛЭХ ХҮСЭЛТЭЙ ИРГЭД, АЖ АХУЙН НЭГЖИЙН АНХААРАЛД

6-р сарын 30, 2023 - 16:19
          Тулгар төрийн 2232, Их Монгол улс байгууллагдсаны 817 жил, Ардын хувьсгалын 102 жил, Замын-Үүд сум байгуулагдсаны 29 жилийн ой баяр наадмын өдрүүдэд “Наадмын талбай”-д худалдаа, үйлчилгээ явуулах иргэн, аж ахуйн нэгжүүдэд “Баяр наадмын худалдаа, үйлчилгээг зохион байгуулах комисс”-оос дараах чиглэлээр зөвшөөрөл олгож үйл ажиллагаанд нь хяналт тавин ажиллана.
          Үүнд:
Хоол үйлдвэрлэл, үйлчилгээ (Хуушуур, бууз, шорлог гэх мэт)
Хүнсний бүтээгдэхүүний худалдаа (Ус, ундаа, зайрмаг гэх мэт)
Хүнсний бус барааны худалдаа (Хувцас, тоглоом гэх мэт)
Тоглоом (Хөдөлгөөнт, хөдөлгөөнт бус)
Сонирхсон иргэн, аж ахуйн нэгжүүд 2023 оны 07 дугаар сарын 01-02-ны өдрүүдэд Засаг даргын Тамгын газрын Нэг цэгийн үйлчилгээний танхимд 10:30-14:00 цагийн хооронд үйлчилгээнд ажиллах ажилчдын эрүүл мэндийн шинжилгээний дэвтэр, мэргэжлийн тогоочийн үнэмлэхтэй ирж бүртгүүлнэ үү.
Жич:Худалдаа, үйлчилгээ эрхлэгчдэд өгөх дэлгэрэнгүй зөвлөмжийг зөвшөөрлийн ард талд хэвлэх болно.
Баяр наадмын өдрүүдэд “Наадмын талбай”-д дээрх чиглэлийн үйл ажиллагаа явуулах хүсэлтэй иргэн, аж ахуйн нэгжүүд зөвшөөрөл авч, “Баяр наадмын худалдаа, үйлчилгээ зохион байгуулах комисс”-той хамтран ажиллахыг хүсье.