ХУРДАН МОРИНЫ УРАЛДААН, СУНГАА, ҮСЭРГЭЭ ЗОХИОН БАЙГУУЛАХГҮЙ БАЙХЫГ АНХААРУУЛЖ БАЙНА
_________________________________________________________________
Нэгдсэн Үндэсний байгууллагын Хүүхдийн Эрхийн тухай Конвенцын зарчмыг орон нутгийн түвшинд хэрэгжүүлэх, орон нутагт хүүхдийн эрхийг хангаж ажиллах, сайн засаглалыг хөгжүүлэх, “Хүүхдэд ээлтэй орон нутаг” санаачилгын хүрээнд “Хүүхдэд ээлтэй орон нутаг” аймгийн зорилтот хөтөлбөрийг аймгийн ИТХ-ын тэргүүлэгчдийн 2021 оны 53 дугаар тогтоолоор баталж, хэрэгжилтийг ханган ажиллаж байна.
Монгол улсын Засгийн газрын 2019 оны “Хурдан морины уралдааны талаар авах зарим арга хэмжээний тухай” 57 дугаар тогтоол, Хөдөлмөрийн сайдын 2016 оны А/36 дугаар тушаалаар батлагдсан “Насанд хүрээгүй хүнийг ажиллуулахыг хориглосон ажлын байрны жагсаалт”-ийн хэрэгжилтийг хангаж 2021 оны 11 дүгээр сарын 01-ний өдрөөс 05 дугаар сарын 01-ний өдрийг хүртэлх хугацаанд хурдан морины уралдаан, сунгаа, үсэргээ зохион байгуулахгүй байх хүүхдийн өмнө үүрэг хүлээгч, байгууллагын удирдлагууд, уяачдын холбоо, байгууллага аж ахуй нэгжийн дэргэдэх эцэг эхийн зөвлөлөөр дамжуулан иргэд олон нийтэд мэдээлж, урьдчилан сэргийлэх, нөлөөллийн арга хэмжээ авч ажиллахыг үүрэг болголоо.
Хууль тогтоомжийн хэрэгжилтийг биелүүлэхгүй, зөвшөөрөлгүй, хяналтгүй дур мэдсэн ямар нэгэн уралдаан, сунгаа үсэргээ болсон тохиолдолд зохион байгуулсан байгууллага, хуулийн этгээд, иргэдэд Зөрчлийн тухай хуулиар арга хэмжээ тооцох үндэслэл болохыг анхааруулж Замын-Үүд сумын Засаг даргын 2022 оны 01 дүгээр сарын 26-ны 2/64 тоот албан бичгийг Байгууллагын дарга, эрхлэгч нарт чиглэл хүргүүлэн ажиллаж байна.
Замын-Үүд сумын Засаг даргын Тамгын газар “Хүүхдийн төлөө зөвлөл”
