Мэдэгдэл
Замын-Үүд сумын Засаг даргын захирамжаар Жаргалант баг, Соёмбо гудманд дараах нэр бүхий иргэдэд газрыг Газрын тухай хуулийн 27.1-д заасны дагуу “Иргэнд гэр бүлийнх нь хамтын хэрэгцээнд зориулан хувийн гэр, орон сууцны хашаа барих”, Газар эзэмшүүлэх гэрээний 2.1-д “гэр орон сууц, хашааны зориулалтаар” эзэмшүүлсэн байна. Газар эзэмшүүлэх гэрээний 4.1-д “Газар эзэмших гэрээнд заасан нөхцөл, болзлыг биелүүлэх”, 4.2-д “Газрыг үр ашигтай, зохистой ашиглах, хамгаалах, байгаль орчныг хамгаалах тухай хууль тогтоомж болон төрийн эрх бүхий байгууллагаас газар ашиглалттай холбогдуулан тавьсан нийтлэг шаардлагыг биелүүлэх” Газрын тухай хуулийн 40 дүгээр зүйлийн 40.1.1. /эрхийн гэрчилгээ эзэмшигч газрын тухай хууль тогтоомж, газар эзэмших гэрээний нөхцөл, болзлыг удаа дараа буюу ноцтой зөрчсөн/ болон 40.1.6-д /хүндэтгэн үзэх шалтгаангүйгээр гэрээнд заасан зориулалтын дагуу эзэмшил газраа ашиглаагүй / гэсэн заалтыг тус тус зөрчсөн тул 2024 оны 4-р сарын 05-ны өдрийн дотор зориулалтын дагуу хашаажуулж зөрчлөө арилгах хугацаа олгож байна. Хэрэв олгосон хугацаанд шаардлагыг биелүүлээгүй тохиолдолд цуцлах арга хэмжээ авах буюу Газрын тухай хуулийн 41.1 , 41.2-т тус тус заасны дагуу та эрх дуусгавар болсон тухай мэдэгдэх хуудас хүлээн авснаас хойш 90 хоногийн дотор уг газрыг чөлөөлж , шийдвэр гаргасан Засаг даргын мэдэлд шилжүүлэх үүрэгтэй бөгөөд газрыг чөлөөлөхтэй холбогдон гарах зардлыг эзэмшиж байсан этгээд өөрөө хариуцана гэдгийг мэдэгдэж байна.
