ЗАМ ТЭЭВРИЙН ОСЛООС УРЬДЧИЛАН СЭРГИЙЛЭХ "НЭГ ЗАМ-НЭГ СОЁЛ" АЯН ЗАМЫН-ҮҮД СУМАНД НЭЭЛТЭЭ ХИЙЛЭЭ
Зам тээврийн осол, хэргийн улмаас иргэдийн амь нас, эд хөрөнгө хохирохоос урьдчилан сэргийлэх, хөдөлгөөнд оролцогчдын буруу дадал, хандлагыг өөрчлөх, зөв үйлдэлд уриалах, иргэдийн эрх зүйн мэдлэгийг дээшлүүлэх, сурталчлан таниулах зорилгоор Цагдаагийн ерөнхий газраас улсын хэмжээнд зохион байгуулагдаж байгаа “НЭГ ЗАМ-НЭГ СОЁЛ” аян нь энэ оны 06 дугаар сарны 30-ны өдрөөс энэ оны 08 дугаар сарын 18-ны өдрийг хүртэлх хугацаанд улсын хэмжээнд үргэлжилнэ.
“НЭГ ЗАМ-НЭГ СОЁЛ” аяныг сумын Гэмт Хэргээс Урьдчилан сэргийлэх ажлыг Зохицуулах салбар зөвлөлийн дэмжлэгээр гишүүн байгууллагуудын ажилтан, алба хаагчидтай хамтран зохион байгуулна.
Орон нутгийн замд гарч буй зам тээврийн ослын гол шалтгаан нөхцөл нь хурд хэтрүүлэх, гүйцэж түрүүлэх үйлдэл хориглосон нөхцөлд хийх, бүрэн бус тээврийн хэрэгсэлтэй хол замд гарах, жолоочийн нойр дутуу ядарсан, архи согтууруулах ундааны зүйл хэрэглэсэн, жолооч биш хүнд жолоо шилжүүлэх зэрэг шалтгаануудаас үүдэн гардаг тул ЖОЛООЧ та бүхэн замын хөдөлгөөнд дүрмээ баримтлан соёлтой оролцоно уу.
