ЗАМЫН-ҮҮД СУМЫН 6-Р ЦЭЦЭРЛЭГИЙН ӨРГӨТГӨЛИЙН БАРИЛГА АШИГЛАЛТАД ОРЛОО
Замын-Үүд суманд боловсролын салбарын хүртээмж, чанарыг нэмэгдүүлэх чиглэлээр хэрэгжүүлж буй 6-р цэцэрлэгийн өргөтгөлийн барилга бүрэн дуусч, өнөөдөр албан ёсоор ашиглалтад орлоо.
Тус өргөтгөл нь бага насны хүүхдүүдийг хөгжүүлэх, сурч хүмүүжих таатай, эрүүл аюулгүй орчныг бүрдүүлэхэд чиглэгдсэн бөгөөд хүүхдийн эрхийг дээдэлсэн сургалтын стандартуудыг ханган байгуулагдсанаараа онцлог юм.
Энэхүү бүтээн байгуулалт нь хүүхдийн хөгжил, боловсролын салбарын бодлогыг дэмжсэн, ирээдүйд чиглэсэн үнэ цэнтэй хөрөнгө оруулалт болж байна.
Замын-Үүд сумын хүүхэд багачуудын сурч, хөгжих эрхийг дээдэлсэн энэхүү ажилд идэвхтэй оролцож, дэмжлэг үзүүлсэн бүх талуудад талархал илэрхийлье.
