ЗАМЫН-ҮҮД СУМЫН ТАНИЛЦУУЛГА
Замын-Үүд сум нь ардын хувьсгалаас өмнө Түшээт хан аймгийн Говь мэргэн вангийн хошуунд харъяалагдаж байсан.
Замын-Үүдийн нутгаар олон улсын худалдааны Торгоны, Гүнжийн, Цайны зам дайран өнгөрч байсан нь худалдаа арилжаа, аян жин, аялал жуулчлалын дамжин өнгөрөх харилцааны зам, морин өртөө, хил хязгаарын хамгаалалтын суурин, харуул гэх зэрэг боомт, суурин болох эх үүсвэр тавигдсан.
-БНМАУ-ын АИХ-ын Тэргүүлэгчдийн 1956 оны 8 дугаар сарын 131 дүгээр зарлигаар Замын-Үүд хороо
-1992 оны 9 дүгээр сард Дорноговь аймгийн ИТХ -ын Тэргүүлэгчдийн хуралдааны 12-р тогтоолоор Эрдэнэ сумын 5-р баг
-1994 оны 5 дугаар сарын 6-ны өдрийн УИХ-ын 34 дүгээр тогтоолоор Замын-Үүд сум болгон зохион байгуулсан.
-Аймгийн Засаг даргын 2011 оны А/638 тоот захирамжаар аймгийн зэрэглэлтэй хот болгон, хотын захирагчийн албыг байгуулсан.
ГАЗАР ЗҮЙН ОРЧИН
Замын-Үүд сум нь 48.6 мянган га нутаг дэвсгэртэй, үүний 70 хувийг улсын тусгай хэрэгцээний газар буюу хилийн зурвас газар, төмөр замын зурвас газар эзэлдэг.
Улаанбаатар хотоос урагш 730 км, Монгол улсын урд хилээс 4.5 км-т оршдог ба Монгол улсын хилийн байнгын ажиллагаатай олон улсын авто зам, төмөр зам, агаарын зам давхацсан томоохон боомт юм.
ХҮН АМ ЗҮЙН БАЙДАЛ
Замын-Үүд сум нь засаг захиргааны 5 багтай 18995 суурин хүн ам, түр оршин суугчидттайгаа нийлээд 25 мянга гаруй хүн амтай.
Сумын хамгийн өндөр буюу 95-аас дээш настай 2 иргэн байна. Нийт хүн амын 49,1 хувийг эмэгтэйчүүд эзэлж байна.
ДОРНОГОВЬ АЙМГИЙН ЗАМЫН-ҮҮД СУМЫН ЗАСАГ ДАРГЫН ТАМГЫН ГАЗАР ТӨРИЙН ЗАХИРГАА ХУУЛЬ ЭРХ ЗҮЙН ТАСАГ
ХЭВЛЭЛ МЭДЭЭЛЭЛ, ОЛОН НИЙТТЭЙ ХАРИЛЦАХ МЭДЭЭЛЭЛ ТЕХНОЛОГИ ХАРИУЦСАН МЭРГЭЖИЛТЭН: А.САРАНГЭРЭЛ
УТАСНЫ ДУГААР: 90600346
