ЗАМЫН-ҮҮД СУМЫН ГЛОРИ АКАДЕМИ ОЛОН УЛСЫН ТЭМЦЭЭНД АМЖИЛТ ГАРГАЛАА
Япон улсын Чиба хотод зохион байгуулагдсан IBJJIF холбооны бүсийн ангилалтай жюү жицүгийн дэлхийн аварга шалгаруулах тэмцээнд дэлхийн 48 орны 6500 гаруй тамирчид оролцсоноос “Глори Академи”-ийн дараах тамирчид амжилт гаргалаа.
1-р сургуулийн 9б ангийн сурагч С. Насанбат – Но-Ги ангилалд цагаан бүсэнд мөнгөн медаль, Ги-тэй төрөлд хүрэл медаль
1-р сургуулийн 11г ангийн сурагч О. Үжин – Но-Ги ангилалд цагаан бүсэнд мөнгөн медаль, Ги-тэй төрөлд мөнгөн медаль
1-р сургуулийн 7е ангийн сурагч Д. Төвшинжаргал – Но-Ги төрөлд цагаан бүсний ангилалд алтан медаль, Ги-тэй төрөлд хүрэл медаль
Глори Академи нь 2023 онд БНХАУ-ын Эрээн хотод үүсгэн байгуулагдсан бөгөөд Хоёрдугаар салбар нь Замын-Үүд сумын Соёл спортын ордонд үүд хаалга нээн хүүхэд, залуучуудыг жюү жицүгийн спортоор хичээллүүлж байна.
Жюү Жицүгийн Дэлхийн аваргын тус тэмцээнд Глори академийн нийт 7 тамирчин, 2 багш дасгалжуулагч оролцож амжилт үзүүлсэн юм.
Амжилттай оролцсон тамирчдаа Замын-Үүд сумын Засаг даргын албан үүргийг түр орлон гүйцэтгэгч Б.Сайнбаяр хүлээн авч уулзан баяр хүргэж амжилт хүслээ.
Спортын амжилтаараа сум, аймгаа төдийгүй улсынхаа нэрийг өндөрт өргөж буй сурагчдадаа болон тэдний дасгалжуулагч, багш нарт баяр хүргэе!
ЗАМЫН-ҮҮД СУМЫН ЗАСАГ ДАРГЫН ТАМГЫН ГАЗАР
