ЗАМЫН-ҮҮД СУМЫН ТАНИЛЦУУЛГА
12-р сар 1, 2022 - 08:41
Updated: 12-р сар 1, 2022 - 09:22
Замын-Үүд сум нь ардын хувьсгалаас өмнө Түшээт хан аймгийн Говь мэргэн вангийн хошуунд харъяалагдаж байсан. Замын-Үүдийн нутгаар олон улсын худалдааны Торгоны, Гүнжийн, Цайны зам дайран өнгөрч байсан нь худалдаа арилжаа, аян жин, аялал жуулчлалын дамжин өнгөрөх харилцааны зам, морин өртөө, хил хязгаарын хамгаалалтын суурин, харуул гэх зэрэг боомт, суурин болох эх үүсвэр тавигдсан.
-БНМАУ-ын АИХ-ын Тэргүүлэгчдийн 1956 оны 8 дугаар сарын 131 дүгээр зарлигаар Замын-Үүд хороо
-1992 оны 9 дүгээр сард Дорноговь аймгийн ИТХ -ын Тэргүүлэгчдийн хуралдааны 12-р тогтоолоор Эрдэнэ сумын 5-р баг
-1994 оны 5 дугаар сарын 6-ны өдрийн УИХ-ын 34 дүгээр тогтоолоор Замын-Үүд сум болгон зохион байгуулсан.
-Аймгийн Засаг даргын 2011 оны А/638 тоот захирамжаар аймгийн зэрэглэлтэй хот болгон, хотын захирагчийн албыг байгуулсан.
Замын-Үүд сум нь 48.6 мянган га нутаг дэвсгэртэй, үүний 70 хувийг улсын тусгай хэрэгцээний газар буюу хилийн зурвас газар, төмөр замын зурвас газар эзэлдэг.
Улаанбаатар хотоос урагш 730 км, Монгол улсын урд хилээс 4.5 км-т оршдог ба Монгол улсын хилийн байнгын ажиллагаатай олон улсын авто зам, төмөр зам, агаарын зам давхацсан томоохон боомт юм.
Замын-Үүд сум нь засаг захиргааны 5 багтай 19000 гаруй суурин хүн ам, түр оршин суугчидттайгаа нийлээд 25 мянга гаруй хүн амтай.
Тус суманд Улсын 7 цэцэрлэг, төмөр замын 1 цэцэрлэг, хувийн 3 цэцэрлэгт нийт 1718 гаруй хүүхэд хамрагддаг.
ЕБ 12 жилийн 900, 928, 960 хүүхдийн 3 сургуульд 3460, “Үлэмж Тэнгэр” хувийн сургуульд 167, 340 хүүхдийн бага сургууль, 70 хүүхдийн дотуур байр тус тус ажилладаг.
Цахилгаан хангамж: 110 кВа-ын эрчим хүчийг 2003 онд ашиглалтанд оруулсан.
Авто зам: Замын-Үүд сум нь нийт 24.65 км урт 8-18 м өргөнтэй авто замтай. 2014 онд АН3 босоо тэнхлэгийн авто зам ашиглалтанд орсон. 2013 онд хүнд даацын 11 км авто зам ашиглалтанд оруулсан.
Харилцаа холбоо: УБТЗ-ын харъяа холбоо, МЦХ-ын салбар ажилладаг. 2000 оноос Төмөр замын дагуу БНХАУ-тай холбогдсон шилэн кабель ашиглалтанд орж, интернет болон үүрэн телефоны 4 байгууллага үйлчилгээ үзүүлж байна.
