"ЗӨВ ИРЭЭДҮЙН ТӨЛӨӨ ХАМТДАА”
Гэр бүлийн хүчирхийлэл, хүүхдийн эсрэг гэмт хэрэг зөрчлөөс урьдчилан сэргийлэх, нөлөөллийн арга хэмжээг зохион байгуулах талаар Сумын Засаг даргын үйл ажиллагааны хөтөлбөрт тусгагдсаны дагуу Замын-Үүд Соёл Спортын Ордноос санаачлан "ЗӨВ ИРЭЭДҮЙН ТӨЛӨӨ ХАМТДАА” үйл ажиллагааг Замын-Үүд Засаг даргын Тамгын газар, Сум дундын Прокурорын газар, Замын-Үүд дэх сум дундын Шүүхтэй хамтран зохион байгууллаа.
Тус арга хэмжээний хүрээнд Сум дундын Прокурор Б. Содбаяр болон сум дундын шүүхээс эцэг эх, хүүхдийн харилцаа хандлага, гэр бүл, хүүхдийн эсрэг хүчирхийллийн талаарх мэдээ, мэдээлэл, түүнд холбогдох хууль тогтоомжийн талаар мэдээллийг хүргэж, “Мини” театрын уран бүтээлч хүүхдүүд "НҮҮДЭЛ" сургамжит драмын жүжиг тоглож, гэр бүл, хүүхдийн хүчирхийллийн эсрэг нөлөөллийн үйл ажиллагаанд нэгдэн хамтран ажиллалаа.
