“ЧАНАРЫН МЕНЕЖМЕНТИЙН ТОГТОЛЦООНЫ СТАНДАРТ”-ЫГ ДОРНОГОВЬ АЙМАГ НЭВТРҮҮЛЖ ЭХЭЛЛЭЭ.
Монгол Улсын Засгийн газраас хэрэгжүүлж буй “Алсын хараа 2050” урт хугацааны бодлогын баримт бичиг, “Шинэ сэргэлтийн бодлого”-ын хүрээнд төрийн байгууллагуудын бүтээмжийг сайжруулах чиглэлээр олон арга хэмжээг төлөвлөн хэрэгжүүлж байгаагийн нэг нь энэхүү ажил юм.
Замын-Үүд сумын Засаг дарга, түүний Тамгын газраас иргэд, хэрэглэгчдэд төрийн үйлчилгээг хүргэхдээ чанарын өндөр түвшинд буюу хэрэглэгчдийн хэрэгцээ, шаардлагад нийцүүлсэн, төрийн байгууллагуудын дотоод ажил, төрийн албан хаагч, хүний нөөцийн хүлээх үүрэг, хариуцлагыг нэг стандарттай болгохоор зорьж 2021 оноос “Нэг цэгийн үйлчилгээ”-нд ISO 9001:2015 Чанарын менежментийн тогтолцоог нэвтрүүлэх ажлыг эхлүүлж 2022 оны 12 дугаар сард “Анхдагч баталгаажуулалт”-д хамрагдсан.
Дорноговь аймгийн Засаг даргын Тамгын газраас зохион байгуулсан тус арга хэмжээнд оролцож туршлага солилцон, “Чанарын менежментийн тогтолцоо”-г цаашид хэрхэн хөгжүүлэх, сайжруулах талаар мэдлэг хуримтлуулан, мэргэжлийн аудиторуудаас зөвлөмж авч ажиллалаа.
Мөн үеэр Монгол Улсын хөгжлийн стратеги чиг хандлагад нийцүүлэн аймгийн нутаг дэвсгэрт үйл ажиллагаа явуулж буй төрийн болон төрийн бус байгууллага, бизнесийн байгууллагуудад олон улсын менежментийн тогтолцоог бий болгож хэвшүүлэх, мэдээллийн ил тод байдлыг нэмэгдүүлэх, төрийн үйлчилгээг чанартай, хүртээмжтэй хүргэхэд олон улсын стандартуудыг үйл ажиллагаандаа хэрэгжүүлэхэд дэмжлэг үзүүлэх, чанарын дэд бүтцийг бий болгох ажлын эхлэл болгон ”Монсертф”ХХК, “Ворлд стандарт консалтинг” ХХК –тай Дорноговь аймгийн Засаг дарга хамтран ажиллах “САНАМЖ БИЧИГ”-ийг байгууллаа.
