“ЧАНАРЫН МЕНЕЖМЕНТИЙН ТОГТОЛЦОО ISO 9001:2015” СТАНДАРТЫГ ҮЙЛ АЖИЛЛАГААНДАА АМЖИЛТТАЙ НЭВТРҮҮЛЖ ЧАНАРЫН ГЭРЧИЛГЭЭГЭЭ ГАРДАН АВЛАА.
Замын-Үүд сумын Засаг даргын “Хөгжлийн төлөө бид хамтдаа-2” үйл ажиллагааны хөтөлбөрийн хэрэгжилтийн хүрээнд төрийн үйлчилгээг чадварлаг, мэргэшсэн төрийн албан хаагчаар дамжуулан хүнд сурталгүй, чанартай, хүртээмжтэй хүргэхээр зорьж шат дараатайгаар олон ажлыг зохион байгуулан ажиллаж байна. Төрийн үйлчилгээг иргэдэд хүргэхдээ тав тухтай орчинд нэг дороос авах боломжийг бүрдүүлж, Засаг даргын Тамгын газрын “Нэг цэгийн үйлчилгээний байрыг засварлан тохижуулж, үйлчилгээний төгөлдөршлийг бий болгоход анхаарч, хүртээмжийг нэмэгдүүлэн цахим үйлчилгээний тоног төхөөрөмжийг шат дараатай нэмэгдүүлж, ажлын бус цагаар ч лавлагаа авах боломжийг бүрдүүлж, аймгийн төвд авах үйлчилгээг иргэдэд ойртуулж нээлттэй хаалганы өдөрлөгүүдийг амжилттай зохион байгуулан ажилласан.
Нэг цэгийн үйлчилгээнд төрийн үйлчилгээг хүргэн ажиллаж байгаа албан хаагчдын мэдлэг, ур чадвар, харилцаа хандлагыг дээшлүүлэх дотоод сургалтуудад хамруулж, төрийн үйлчилгээ авч байгаа иргэдийн сэтгэл ханамжийг дээшлүүлэхэд онцгойлон анхаарч ажилласан.
Төрийн үйлчилгээг чанар, хүртээмжтэй хүргэхэд чиглэсэн олон талт арга хэмжээг шат дараатай авч хэрэгжүүлснээр Стандарт, хэмжил зүйн газрын дэргэдэх Баталгаажуулалтын зөвлөлөөс “Чанарын менежментийн тогтолцоо ISO 9001:2015” стандартыг шаардлагын дагуу хэрэгжүүлснийг баталгаажуулсан гэрчилгээг олголоо. Ингэснээр Замын-Үүд сумын Засаг даргын Тамгын газар нь Дорноговь аймагтай “Чанарын менежментийн тогтолцоо ISO 9001:2015” стандартыг нэвтрүүлсэн АНХДАГЧ төрийн захиргааны байгууллага боллоо.
Цаашид төрийн үйлчилгээний чанар хүртээмжийг нэмэгдүүлэн, иргэдээс сэтгэл ханамжийн судалгааг тогтмол авч, үйл ажиллагаандаа сайжруулалтын хийж, үр дүнг нэмэгдүүлэн ажиллах болно.
