ДОРНОГОВЬ АЙМАГТ ГАМШГААС ХАМГААЛАХ КОМАНД ШТАБЫН СУРГУУЛЬ ЭХЭЛЛЭЭ
Монгол Улсын Шадар сайд, аймгийн Засаг дарга нарын 2025 онд байгуулсан төлөөлөн гүйцэтгүүлэх гэрээ, аймгийн Засаг даргын үйл ажиллагааны хөтөлбөр, гамшгаас хамгаалах бодлого, хөтөлбөрийг хэрэгжүүлэх хүрээнд зохион байгуулагдаж буй “Гамшгаас хамгаалах команд штабын сургууль-2025” “Гамшигт тэсвэртэй Дорноговь” арга хэмжээ 2025 оны 10 дугаар сарын 15-ны өдөр удирдах бүрэлдэхүүний танхимын сургалтаар эхэллээ.
Энэхүү сургуульд орон нутгийн онцгой комисс, гамшгаас хамгаалах алба, мэргэжлийн анги, сайн дурын хэсэг, хүмүүнлэгийн байгууллага, хуулийн этгээдийн удирдлагууд, мөн Замын-Үүд сумын холбогдох бүрэлдэхүүн хамрагдаж байна.
Сургуулийн зорилго нь аюулт үзэгдэл, ослоос хүний амь нас, эрүүл мэнд, эд хөрөнгө, байгаль орчин, мал амьтныг хамгаалах, эрэн хайх, аврах, хор уршгийг арилгах, сэргээн босгох, хүмүүнлэгийн тусламж үзүүлэх үйл ажиллагаанд сургаж дадлагажуулах, хүч хэрэгслийн харилцан ажиллагаа, бэлтгэл, бэлэн байдлыг дээшлүүлэхэд чиглэж байгаа юм. Уг сургууль 3 өдрийн турш үргэлжилнэ.
Команд штабын сургуулийг Онцгой байдлын ерөнхий газрын дэд дарга, хурандаа Ц.Уранчимэг, Гамшгаас хамгаалах сургалтын газрын дарга, хурандаа Ц.Сүхбаатар нар удирдан зохион байгуулж, оролцогчдыг гамшгаас урьдчилан сэргийлэх, эрэн хайх, аврах, хор уршгийг арилгах, хүмүүнлэгийн тусламж үзүүлэх, хойшлуулшгүй сэргээн босгох чиглэлээр чадавхжуулж байна.
Мөн команд штабын сургуулийн өдрүүдэд Дорноговь Аймгийн Засаг Даргын А/624 дугаар захирамжаар аймгийн хэмжээнд гамшгаас хамгаалах өндөржүүлсэн бэлэн байдлын зэрэгт шилжин ажиллаж байна.
