ЭЛСЭЛТИЙН ЕРӨНХИЙ ШАЛГАЛТАД АМЖИЛТ ГАРГАСАН БАГШ, СУРАГЧДАД ХҮНДЭТГЭЛ ҮЗҮҮЛЖ МӨНГӨН ШАГНАЛААР ШАГНАЛАА
_________________________________________
Боловсрол, Шинжлэх Ухаан яамны сайдын 2021 оны 01 дүгээр сарын 14-ний өдрийн А/07 тушаалын “Чадварлаг багш” хөтөлбөрийн 1 дүгээр хавсралтын 3.2.2, Дорноговь аймгийн 2021-2025 онд хөгжүүлэх таван жилийн үндсэн чиглэлийн 2.1.2, Замын-Үүд сумын Засаг даргын 2020-2024 оны үйл ажиллагааны мөрийн хөтөлбөрийн 1.3.3 дахь заалтын хэрэгжилтийг хангаж Сумын Засаг даргын 2021 оны 02 дугаар сарын 08-ны өдрийн “Журам батлах тухай” захирамжаар багш, сурагчдын идэвх чармайлтыг дэмжих, багшийн нэр хүнд, үнэлэмжийг өсгөх, мэргэжлийн ур чадвар, туршлага, манлайллыг дэмжих зорилгоор элсэлтийн ерөнхий шалгалтад 700 ба түүнээс дээш оноо авсан багш, сурагчдыг шагнаж урамшууллаа.
ЭЛСЭЛТИЙН ЕРӨНХИЙ ШАЛГАЛТЫГ тус сум хоёр дахь удаагаа амжилттай зохион байгуулж 10.650 000 төрөгийн урамшууллыг 13 сурагч 13 багш, давхардсан тоогоор 14 хичээлээр 700-790 хүртлэх оноо авч журмын дагуу сумын Засаг даргын зүгээс багшид 250 000-400 000 төгрөг, сурагчид 500 000-800 000 төгрөгийн урамшууллыг тус тус олголоо.
Элсэлтийн ерөнхий шалгалтад амжилт гаргасан багш, сурагч нартаа цаашдын хичээл сурлагад нь өндөр амжилт хүсье.
“Мөрөөдөл чамайг гараанаас гаргахад тусална. Харин дадал зуршил чамайг хаа хүрэхийг шийдэх болно”
