ЭРҮҮЛ АЮУЛГҮЙ АЖЛЫН БАЙР- БИДНИЙ СУУРЬ ЭРХ АЯНЫ ХҮРЭЭНД
Замын-Үүд сумын аж ахуйн нэгж, байгууллагад Хөдөлмөрийн аюулгүй байдал, эрүүл ажлын байрыг бүрдүүлэхэд хэрэгжиж байгаа сайн туршлагыг нийтэд дэлгэрүүлэх ажлыг Замын-Үүд сумын “ХАБЭА–н Салбар зөвлөл”-өөс хийж байна. Г.Гансүх даргатай “Шингэн түлш шилжүүлэх ачих байгууламж” Төрийн өмчит ААТҮГ, О.Төмөрхуяг даргатай “Замын-Үүдийн Дулааны станц” ТӨҮГ-т хэрэгжүүлж байгаа ХАБЭА-н сайн туршлагыг газар дээр нь очиж судлав.
Онцгой байдлын үед эн түрүүнд хэрэгжүүлэх аргыг зааж сургах ажлын хүрээнд Н.Оюунболд даргатай “Замын-Үүд Онцгой байдлын хэлтэс”-ийн бүрэлдэхүүн “Өөрийгөө болон бусдыг авран хамгаалах арга”, “Гал түймрийн үед аврах унтраах арга хэмжээ” сэдэвт үзүүлэх дадлага сургалтыг ЕБС-ын 2,3 дугаар сургуулийн сурагчдад 2023 оны 04 сарын 28 өдөр зохион байгууллаа.
