ГАМШГИЙН ЭРСДЭЛИЙГ БУУРУУЛАХ ОЛОН УЛСЫН ӨДРИЙГ ТЭМДЭГЛЭН ӨНГӨРҮҮЛЛЭЭ
Жил бүрийн 10 дугаар сарын 13-ны өдөр Гамшгийн эрсдэлийг бууруулах Олон Улсын өдрийг тэмдэглэн өнгөрүүлдэг уламжлалтай. Энэ жилийн хувьд “Гамшигт тэсвэртэй ирээдүйн төлөө тэгш бус байдалтай тэмцэх нь” уриан дор Замын-Үүд сум дахь Oнцгой байдлын хэлтэс, цагдаагийн хэлтэс, Нэгдсэн эмнэлэгтэй хамтран нээлттэй хаалганы өдөрлөг, Гал түймэр унтраах тактикийн дадлага сургуулийг амжилттай зохион байгуулж ажиллалаа.
Өдөрлөгийн үеэр Ерөнхий боловсролын 1 дүгээр сургуулийн өсвөрийн аврагч "Сонор тасаг"-ийн сурагчид үзүүлэх тоглолтыг гүйцэтгэж сонирхуулав.
Тус арга хэмжээнд оролцож буй 5 багийн ард, иргэдэд гамшиг осол, гал түймэр, газар хөдлөлтөөс урьдчилан сэргийлэх чиглэлээр онолын сургалт явуулж, өндрөөс аврах болон нурангид дарагдсан иргэнийг аврах, гал түймэр унтраах, эмх замбараагүй байдал үүссэн үеийг далимдуулан хулгай хийх гэж байсан иргэнийг үйлдэл дээр нь олж тогтоох, мөрдөн шалгах, хэргийн газрын үзлэг зохион байгуулах, эмнэлгийн анхан шатны тусламж үзүүлэх, дараагийн холбогдох байгууллагад шилжүүлэх чиглэлээр практик дадлага сургуулилт хийж гүйцэтгэсэн.
Мөн Онцгой байдлын байгууллагад ашиглагдаж буй гал унтраах автомашин, техник багаж хэрэгслийг дэлгэн танилцуулж, албаны онцлогийг сурталчилан таниулах, гарын авлага тараах арга хэмжээг тус тус зохион байгуулсан юм.
Тус дадлага сургууль, өдөрлөгт хамрагдсан ард, иргэд, ажилтан, алба хаагч, сурагчиддаа цаашдын ажил хөдөлмөрт амжилт хүсье.
