НИЙГМИЙН БОДЛОГЫН ТАСАГ

НИЙГМИЙН БОДЛОГЫН ТАСГИЙН ХАРЬЯА БАЙГУУЛЛАГУУД:

1. Боловсролын 10 байгууллага
2. Эрүүл мэндийн 2 байгууллага

ЗАМЫН-ҮҮД СУМЫН ЕРӨНХИЙ БОЛОВСРОЛЫН ЛАБОРАТОРИ  1-Р СУРГУУЛь

1956 оны 09-р дүгээр сарын 01-ны өдөр 40 гаруй сурагч, 2 багш, 2 ажилтны бүрэлдэхүүнтэй Замын –Үүдийн бага сургууль нээгдсэн.

2025-2026 оны хичээлийн жилд бага ангийн 25, дунд 21 ахлах 12 нийт 58 бүлэгт нийт 1825 сурагч суралцаж, 105 багш ажиллагсад ажиллаж байна.

Тус сургуулийн 72 багшаас Зөвлөх багш 2, тэргүүлэх багш 26, заах аргач 36 нийт 88  хувь нь мэргэшлийн зэрэгтэй хамт олон. Сургалтын хөтөлбөрийн хэрэгжилт, сургалтын ахиц, чанар хүүхэд хөгжил хамгаалал, багшийн заах арга зүй болон ур чадвар, харилцааны хөгжил, сургалтын орчиныг сайжруулахад онцгой анхааран ажиллаж ирсний үр дүнд 2019, 2021, 2023 оны Аймгийн тэргүүний сургууль, 2017 оны Алтан зул наадмын “Хүүхэд бүрийг бадраагч хамт олон”, 2024 оны Алтан зул наадмын шилдэг мэргэжлийн хөгжлийн бүлгээр тус тус шалгарч байсан

ЗАМЫН-ҮҮД СУМЫН ЕРӨНХИЙ БОЛОВСРОЛЫН 2 ДУГААР СУРГУУЛЬ

Эрхэм зорилго Чанартай боловсрол - Монголын ирээдүй “ЭРДМИЙН ӨРГӨӨ МИНИЙ СУРГУУЛЬ” Замын Үүд сумын ЕБ-ын 2 дугаар сургууль нь 2013 оны 11-р сарын 06-нд 1342 сурагч, 60 багш, 24 ажилтантайгаар анх үйл ажиллагаагаа эхлүүлсэн. 2022-2023 оны хичээлийн жилд 44 бүлэг, 1230 суралцагч, 66 багш, 18 ажилтантайгаар сургалтын үйл ажиллагаагаа явуулж байна.

Зорилт ¨Сурагчдыг сурлагын хоцрогдолгүй сургаж, сургалтын чанарыг ахиулах

¨Багш ажлын байрандаа тасралтгүй хөгжих боломжийг бүрдүүлэх ¨Багш,удирдах ажилтны манлайлах ур чадварт ахиц гаргах

¨Хүүхэд хөгжил, хамгааллын бодлогыг хэрэгжүүлэн, эцэг эх, олон нийтийн оролцоог нэмэгдүүлэх

¨Гадаад харилцаагаа хөгжүүлэх

¨Суралцагчдын сурах, хөгжих ээлтэй орчныг бүрдүүлэх

Боловсролын зэрэг Магистр — 17 Баклавр - 37 Дипломын – 6 * Нийт багш, ажилтны 32,18% нь X үеийнхэн, 63,22 Y үеийнхэн, 4,6% нь Z үеийнхэн * Заах аргын нэгдэл – 6 * Мэргэжлийн хөгжлийн бүлэг – 5 * ХО Байгууллага- 5 * Гэрчилгээтэй кабинет - 16 

ЗАМЫН-ҮҮД СУМЫН ЕРӨНХИЙ БОЛОВСРОЛЫН 3 ДУГААР СУРГУУЛЬ

Замын-Үүд сумын Ерөнхий боловсролын 3 дугаар сургууль 206 дугаар байр, Залуучууд гудамж-2, 2-р баг Хилийн цэргийн 0108 дугаар ангийн баруун талд байрладаг. Анх 2016 оны 12 дугаар сарын 01-ны өдөр 23 ажилтан албан хаагчтайгаар Дорноговь аймгийн Засаг даргын 2016 оны 11 дүгээр сарын 20-ны А/535 дугаарт захирамжийн дагуу Замын-Үүд сумын 2-р багийн нутаг дэвсгэрт 960 суралцагчдад боловсролын үйлчилгээг үзүүлэх зорилготойгоор байгуулагдсан.

Одоо тус сургууль бага ангийн 656 суралцагч, дунд ангийн 416 суралцагч, ахлах ангийн 196   суралцагч нийт 1268 суралцагч, 94 багш ажилчидтайгаар үйл ажиллагаагаа амжилттай явуулж байна.

• 2022 оны ЭЕШалгалтын дундаж оноогоор аймагт 2-р байр
• 2023 онд Улсын төрөлжсөн олимпиадын 2-ын даваанд аймагт 4-р байр
• 2021, 2022 онд АЙМГИЙН ТЭРГҮҮНИЙ СУРГУУЛИАР хоёр удаа шалгарсан.

Нийт багш, ажилтны 63,8% нь 40 хүртэлх насны залуучууд:

• Тэргүүлэх зэрэгтэй багш – 11
• Заах аргач зэрэгтэй багш – 25
• Магистр зэрэгтэй багш – 17

Мэргэжлийн зэрэгтэй багш нарын эзлэх хувь – 53,7%

Багшийн мэргэжлийн хөгжлийн гүйцэтгэл - 85,38%

Заах аргын нэгдэл - 7, Мэргэжлийн хөгжлийн бүлэг - 7, ХОБ, секц дугуйлан, клуб – 12

Зорилго

• Хүүхэд бүрийн нийгэм, сэтгэл зүй, эрүүл мэнд, танин мэдэхүйн хөгжилд дэмжлэг үзүүлэх, тэдний ялгаатай байдал, сурах хэв маягийг харгалзан амжилттай сурах тэгш боломж бүрдүүлэхэд сургалт, үйл ажиллагааг чиглүүлж, суралцахуйн хоцрогдлыг арилгах, үр дүнд хүрэх тэгш боломжийг бий болгох;
• Ахлах ангийн суралцагч технологийн дэвшил ашиглан орон зайнаас үл хамааран хичээлээ сонгон судлах тэгш боломжийг бүрдүүлэх, сургалтын арга, хэлбэрийг хөгжүүлэх;
• Сургалтын байгууллагын үйл ажиллагааны үр дүн, багшийн ажлын гүйцэтгэлд суурилан байгууллага болон багшийн хөгжлийг дэмжих уян хатан, олон хэлбэрт сургалт, үйл ажиллагааг хэрэгжүүлж, багшийн мэргэжлийн тасралтгүй хөгжил, байгууллагын үйлчилгээний чанарт ахиц гаргах;
• Сургалтын байгууллага хоорондын хамтран ажиллах чадавхыг бэхжүүлэх, сургуульд суурилсан менежментийг сайжруулахад мэргэжлийн холбоо, эцэг эх, асран хамгаалагч, олон нийтийн оролцоог нэмэгдүүлэх;
• Боловсролын байгууллагын багш, ажилтан бүр ёс зүйн хэм хэмжээ, шаардлагыг эрхэмлэн баг, хамт олноороо харилцааны эерэг хандлага, соёл төлөвшүүлэх санал санаачилгыг дэмжих, манлайлах, үр дүнг тооцох;
• Хүүхэд бүр сургалтын байгууллагын орчинд айдасгүй, амар тайван суралцах, аливаа хэлбэрийн гадуурхал, дарамт, дээрэлхэлтээс ангид тэгш, хүртээмжтэй, эрүүл, аюулгүй орчныг бүрдүүлэхэд талуудын идэвхтэй хамтын ажиллагаа, түншлэлийг нэмэгдүүлж, суралцагчийн олон талт байдлыг хүндэтгэсэн, хувь хүний онцлогт нийцсэн боловсролын үйлчилгээ үзүүлэх;

ЗАМЫН-ҮҮД СУМЫН ХҮҮХДИЙН 1 ДҮГЭЭР ЦЭЦЭРЛЭГ

Зорилго нь: Сэтгэл зөвтэй, амьдрах чадвартай, ухаалаг,  хүнлэг, чадварлаг, эрдэмлэг үнэ цэнэтэй монгол хүн болгон өсгөн хүмүүжүүлж, цэвэр ариун ёс суртахуун эрүүл бие, саруул ухаантай шинэ үеийг бий болгоно.   

Зорилт нь: Хүүхдээр хүн хийх монгол ухаанаар  уламжлалт гэрийн хүмүүжлийг эцэг эхээр нь олгуулахад багш нар мэргэжлийн үүднээс гол удирдан чиглүүлэгч нь болж, өдөр тутамд нь зөвлөж, нягт хамтран ажиллана.

Танилцуулга:

          Дорноговь аймгийн Улсын тэргүүний 1 дүгээр цэцэрлэг нь 2001 онд, цэцэрлэгийн өргөтгөл 2013 онд ашиглалтад орсноор 150 хүүхэд хүлээн авах хүчин чадалтай болж, 6 бүлэгт 200 гаруй хүүхдийг хүлээн авч 27 гаруй багш ажиллагсадтайгаар үйл ажиллагаагаа явуулж байна.

Тус цэцэрлэг нь сургуулийн өмнөх боловсролын үйлчилгээг амжилттай хэрэгжүүлэн, сургалтын орчныг сайжруулах, багшийн хөгжлийг дэмжих, чадварлаг боловсон хүчнээр хангах, хүүхдийн авьяасыг бүх талаар нь хөгжүүлэх олон ажлуудыг шат дараатай төлөвлөн хэрэгжүүлж эцэг эх, олон нийтийн оролцоог нэмэгдүүлэх чиглэлээр амжилттай ажиллаж улмаар 2006 онд аймагтаа анхны УЛСЫН ТЭРГҮҮНИЙ ЦЭЦЭРЛЭГ болсон.

Тус хамт олон нь мэргэжилтэй боловсон  хүчнээр 100% хангагдаж, мэргэжлийн зэрэгтэй багшийн эзлэх хувь 77,7, нийт ажиллагсадын 65% нь дээд мэргэжилтэй ажилтан албан хаагчид ажиллаж байна. Тус хамт олны сүүлийн  жилүүдийн амжилтаас дурьдвал:

• 2013 онд ажлын үзүүлэлтээрээ аймагтаа тэргүүн байр
• 2014 онд “АМЖИЛТАА БАТАТГАСАН” хамт олноор өргөмжлөгдөн
• 2016 онд аймгийн “ТЭРГҮҮНИЙ ХАМТ ОЛОН”
• 2018 онд аймгийн “ТЭРГҮҮНИЙ ХАМТ ОЛОН”-оор дахин өргөмжлөгдөж байсан.

ЗАМЫН-ҮҮД СУМЫН ХҮҮХДИЙН 2 ДУГААР ЦЭЦЭРЛЭГ

Тус цэцэрлэг нь анх 2013 оны 9 дүгээр сард  үүсгэн байгуулагдаж, 2014 оны 01 сарын 29 нд 150 хүүхдийн хүчин чадалтай, 25 багш ажилтантайгаар үйл ажиллагаагаа эхлүүлсэн.

2025-2026 оны хичээлийн жилд 6 бүлэгт 191 хүүхэд хүлээн авч СӨБ олгох үйл ажиллагааг зохион байгуулж байна.

        ЗАМЫН-ҮҮД СУМЫН ХҮҮХДИЙН 3  ДУГААР ЦЭЦЭРЛЭГ

Байгуулагдсан огноо :   2014 он

Ажиллагсдын тоо       :   31

Үйл ажиллагааны чиглэл :Сургуулийн өмнөх боловсролын сургалтын үйл ажиллагаа

Алсын хараа

Мэдлэг чадварт суурилсан дотоод нөөц бололцоондоо тулгуурласан хүүхдийн эрхийг нэн тэргүүнд дээдэлсэн мэргэшсэн боловсролын анхдагч суурь байгууллага байна.

ЭРХЭМ ЗОРИЛГО:

Оновчтой бодлого зохицуулалтаар хангах замаар менежментийг сайжруулж ирээдүйг бүтээн байгуулах цогц иргэн болгон төлөвшүүлэх ажлын эхлэлийг тавин ажиллана.

          ЗАМЫН-ҮҮД СУМЫН ХҮҮХДИЙН 4 ДҮГЭЭР ЦЭЦЭРЛЭГ

 Тус цэцэрлэг нь 2015 онд 10 дугаар сарын 04 нд Дорноговь аймгийн нутгийн зөвлөлийн 100 хувийн хөрөнгө оруулалттайгаар 7 бүлэгтэй, 150 хүүхдийн хүчин чадалтай,  27 багш ажилчинтай анх  ашиглалтанд орсон. Цэцэрлэг анх байгуулагдаж байх үед мэргэжлийн багш дутагдалтай, нийт багш нарын 90% нь мэргэжлийн бус байснаас 2018-2021 оны хооронд 9 багш бакалавар, 2022-2023 онд  6 багшийг магистр,2024-2025 оны хичээлийн жилд  2 туслах багшийг  Дархан дээд сургуульд СӨБ ын баклаварын ангид  эчнээгээр ажиллангаа сурах нөхцөл боломжийг цэцэрлэгийн удирдлага   ханган  ажиллаж байна. 2022-2023 оны хичээлийн жилд бүтэц орон тоо нэмэгдэж 31  багш ажилтантай болсон.  

Байгууллагын удирдлагын санал санаачилгаар багш нарыг орон сууцжуулах хөтөлбөрийн хүрээнд   7 багшийг   хүүгүй, урьдчилгаагүй орон сууцанд хамруулж, мөн 10 багшийг зуслангийн газартай болгож хашаажуулж, “Цомцог гэр” ХК тай гэрээ байгуулан багш нарыг гэртэй болгож,  зуслангийн газраа бүрэн хашаажуулсан.

ЗАМЫН-ҮҮД СУМЫН ХҮҮХДИЙН 5 ДУГААР ЦЭЦЭРЛЭГ

ЗОРИЛГО:

Хамтын оролцоо гүйцэтгэл ахицыг нэмэгдүүлж эко орчинд тоглонгоо судлан сурах эрмэлзэлтэй өөрийгөө илэрхийлэх чадвартай нээлттэй иргэнийг төлөвшүүлнэ.

ЗОРИЛТУУД:

• Орон нутгийн онцлогт тохирсон “АЗ ЖАРГАЛЫН”-ын цэцэрлэг хөтөлбөрөөр дамжуулан сургалтын чанарт ахиц гаргах.
• Багшийн мэдлэг чадвараа тасралтгүй дээшлүүлж бүтээлчээр хамтран ажиллах.
• Олон улсын эко сургууль цэцэрлэгийн гадна дотор орчныг бүрдүүлж ажиллах.
• Эрүүл мэндийг дэмжих хөтөлбөрийг хэрэгжүүлэх.
• Эцэг эх, асран хамгаалачын арга барил ур чадварыг нэмэгдүүлэх.

АЛСЫН ХАРАА:

Үндэсний ухамсарт зөв монгол иргэнийг төлөвшүүлнэ.

 ТАНИЛЦУУЛГА

 Замын-Үүд сумын 3-р багийн нутаг дэвсгэрт АНУ-ын Элчин сайдын яамны хөрөнгө оруулалтаар 50 хүүхдийн  хүчин чадалтайгаар баригдаж 2017 оны 10 дугаар сарын 19-ны өдөр 58 хүүхэд 12 багш ажилчидтайгаар үйл ажиллагаагаа эхэлсэн. Сумын төсвийн хөрөнгө оруулалтаар 150 хүүхдийн цэцэрлэгийн өргөтгөл барилга 2020 оны 4-р сарын 27-нд ашиглалтанд орж 2020 оны хичээлийн жилээс 252 хүүхэд, 35 багш ажилчидтайгаар үйл ажиллагаагаа явуулж байна. Тус цэцэрлэг нь Дорноговь аймаг төдийгүй улсын хэмжээнд анхны “ЭКО-ЦЭЦЭРЛЭГ” гэдгээрээ онцлогтой.

 Замын-Үүд сумын хүүхдийн 6 дугаар цэцэрлэг нь 2019 оны 01 дүгээр сарын 02-ны өдрөөс үүд хаалгаа нээн ажиллаж эхэлсэн.

Үндсэн чиг үүрэг: Сургуулийн өмнөх боловсрол олгох үйл ажиллагаа

ЗАМЫН-ҮҮД СУМЫН ХҮҮХДИЙН  7 ДУГААР ЦЭЦЭРЛЭГ

Байгууллагын эрхэм зорилго:

Хүүхдийн хүсэл сонирхолд нийцүүлэн, тэгш хүртээмжтэй боловсролыг хамтын оролцоонд тулгуурлан дэмжих

Зорилтууд:

Багш ажилтан, хүүхэд мэндлэх хүндлэх, талархах соёлд суралцах, эрүүл харилцааг эрхэмлэх

Хүүхдийн ялгаатай хэрэгцээнд тохирсон дэмжлэг үзүүлэх

Сургалтын шинэлэг арга зүйг хэрэгжүүлэх

Цэцэрлэгийн орчин дахь ногоон байгууламж “Цэцэгжүүлэлтийн аян” өрнүүлэх

Эрүүл зөв дадал хэвшлийг эрхэмлэх

Хүүхдэд ээлтэй сургалтын орчин бүрдүүлэх

Эцэг эхийн хамтын оролцоог нэмэгдүүлэх

 Тус  цэцэрлэг нь   Замын-Үүд сумын Засаг даргын 2020 оны 08-р сарын 03-ны өдрийн А/236 тоот захирамжаар “Ухаалаг багачууд” нэртэй хувийн өмчийн цэцэрлэгээс төрийн өмчийн цэцэрлэг болон  үүсгэн байгуулагдсан. Анх байгуулагдахдаа 6 бүлэг, 120 хүүхэд, 24 багш ажилтантайгаар үйл ажиллагаа эхэлж байсан бол өдгөө Замын Үүд сумын 1 дүгээр багийн 183 гаруй хүүхдэд 27 багш ажилтантайгаар Сургуулийн өмнөх боловсрол олгох үйл ажиллагааг амжилттай хэрэгжүүлэн ажиллаж байна.

Бүлгийн үндсэн багш болон багшийн туслахууд нь 100 хувь мэргэжлийн, чадварлаг, эвсэг, бүтээлч хүүхдийн төлөө сэтгэл зүрхээ зориулдаг хамт олон бүрдэн, хүүхдийн зүрх сэтгэл, эрүүл мэнд, аюулгүй байдлыг эрхэмлэн дээдэлж, тоглох явцдаа  орчиндоо зохицон,  хөгжих боломжийг бүрдүүлж, өөртэй итгэлтэй, хүнлэг, энэрэнгүй,  үнэнч шударга, хөдөлмөрч  хүүхэд төлөвшүүлэх зорилтыг дэвшүүлэн үйл ажиллагаагаа явуулж байна.

 Бүтэц орон тоогоор – 30 ажилтан батласан. Одоогоор 27 ажилтантай ажиллаж байна.

Байгууллагын дугаар: 91680006

Цахим шуудан: zamiinuud7tsetserleg@gmail.com

Facebook хаяг: Замын-Үүд сумын 7-р цэцэрлэг

ЗАМЫН-ҮҮД НЭГДСЭН ЭМНЭЛЭГ

Замын-Үүд Нэгдсэн эмнэлэг нь анх 1956 онд Улаанбаатар төмөр замын эмнэлгийн 11-р хэсэг болж, Замын-Үүд суманд эрүүл мэндийн байгууллагын эх суурь тавигдаж, ЭМС-ын 2003 оны 114 тоот тушаалаар Замын-Үүдэд сум дундын эмнэлэг, ЭМС-ын 2007 оны 233 тоот тушаалаар Орон нутгийн нэгдсэн эмнэлэг, 2013 оны 01 дүгээр сарын 01-нээс эхлэн төрийн үйлчилгээний эрүүл мэндийн байгууллага болж  бие даасан нэгдсэн эмнэлгийн статусаар ажиллаж байна.

Замын-Үүд Нэгдсэн эмнэлэг нь 5 байр,  135 оронтоотойгоор /эмч, сувилагч, мэргэжилтэн, ажилтантай/-аар 96 ортойгоор үйлчлэх хүрээний радиус 150 км-т Замын-Үүд сумын 19,231 хүн амд болон явуулын 8,000-10,000 хүн амд лавлагаа шатлалын тусламж үйлчилгээг үзүүлэн ажилладаг. Хүний нөөцийн хангалт 97,7% хувьтай  ажиллаж байгаагаас эмч 49 буюу 96%, сувилагч 22 буюу 95,6%, тусгай мэргэжилтэн, ажилтан 100% хангалттай байна. Нийт их эмчийн 23,5 хувь, сувилагч тусгай мэргэжилтний 23,5 хувь нь мэргэжлийн зэрэг цолтой.

• Амбулаторийн хэсэг
• Хэвтэн эмчлүүлэх тасаг I /мэс засал, гэмтэл, төрөх, эмэгтэйчүүд, нярай/
• Хэвтэн эмчлүүлэх тасаг II /дотор, хавдар, хүүхэд, өсвөр үе, халдварт/
• Хэвтэн эмчлүүлэх тасаг III /мэдрэл, уламжлалт, сэргээн засах эмчилгээ/
• Хэвтэн эмчлүүлэх тасаг IV /түргэн тусламж, яаралтай тусламж, мэдээгүйжүүлэг, эрчимт эмчилгээ/
• Захиргаа аж ахуйн хэсэг гэсэн 6 тасаг нэгжтэй

 Эрүүл мэндийн салбарт 2020 оноос хэрэгжиж байгаа санхүүжилтийн шинэчлэлийн хүрээнд Монгол улс нэг худалдан авагчийн тогтолцоонд шилжиж, эрүүл мэндийн даатгалын сангаас 100 хувь санхүүждэг болсон. 3 жил тутамд сонгон шалгаруулалтад орж хүний нөөц, барилга байгууламж, тоног төхөөрөмжийн чадамжийг үнэлүүлж шалгуур хангаж тэнцсэн оношийн хамааралтай бүлгээр иргэд, даатгуулагчдад эрүүл мэндийн тусламж, үйлчилгээ үзүүлэх гэрээг Эрүүл мэндийн даатгалын ерөнхий газартай байгуулж гүйцэтгэлээрэй санхүүждэг болсон. Манай эмнэлэг 25 төрлийн 236 оношийн хамааралтай бүлгээр тусламж, үйлчилгээ үзүүлэн ажиллаж байна.

                         ЗАМЫН-ҮҮД СУМЫН “БОРХОЙН НАРАН” ӨРХИЙН ЭРҮҮЛ МЭНДИЙН ТӨВИЙН
ТОВЧ ТАНИЛЦУУЛГА

 Анх Дорноговь аймгийн Засаг даргын 2012 оны  09 сарын 24-ны өдрийн А/523 тоот захирамжаар Эрүүл мэндийн анхан шатны тусламж үйлчлилгээг  иргэдэд ойртуулах зорилгоор Замын-Үүд суманд  өрхийн хэсгийн 6 эмч, 6 сувилагч  2013 оны 01 сарын 01-ний өдрөөс  эхлэн “Борхойн наран” ӨЭМТ  нэртэйгээр 3 багийн  15783 хүн амд хүрч үйлчилж байсан бол өдгөө өргөжин тэлж 29 орон тоотойгоор Замын-Үүд сумынхаа 5 багийн 4852 өрхийн 18988 хүн ам, хөдөлгөөнт 5000 нийт 23000 хүн амд эрүүл мэндийн анхан шатны тусламж үйлчилгээг хүргэн ажиллаж байна.

ДОРНОГОВЬ АЙМГИЙН ЗАМЫН-ҮҮД СУМЫН ЗАСАГ ДАРГЫН ТАМГЫН ГАЗАР ТӨРИЙН ЗАХИРГАА ХУУЛЬ ЭРХ ЗҮЙН ТАСАГ

ХЭВЛЭЛ МЭДЭЭЛЭЛ, ОЛОН НИЙТТЭЙ ХАРИЛЦАХ МЭДЭЭЛЭЛ ТЕХНОЛОГИ ХАРИУЦСАН МЭРГЭЖИЛТЭН: А.САРАНГЭРЭЛ

УТАСНЫ ДУГААР: 90600346