Гэрийн Тэжээвэр Амьтан Эзэмшигчдийн АНХААРАЛД! Хариуцлагатай Иргэн - Аюулгүй Орчин
Замын-Үүд сумын нийт иргэд, аж ахуйн нэгжүүдээ, "Иргэд, аж ахуйн нэгж нохой, муур тэжээх эзэмших талаар мөрдөх журам"-ыг хэрэгжүүлж, орчин тойрондоо аюулгүй байдлыг хангахыг уриалж байна.
Үндсэн ЖУРАМ:
Нохойг уяж, хяналттай байлгах цагийн хуваарь:
Өглөө 06:00 цагаас Орой 22:00 цаг хүртэл: Нохойг хашаандаа заавал уяатай байлгах.
Орой 22:00 цагаас Өглөө 06:00 цаг хүртэл: Нохойг хашаанаас гаргахгүй, сул тавихгүй байх.
Хариуцлага ба Үр дагавар:
Гэрийн тэжээвэр амьтнаа зохих хамгаалалтгүй байлгаж, орчиндоо аюул учруулсан, хүний эрүүл мэндэд хохирол учруулсан тохиолдолд хуулийн хариуцлага хүлээнэ.
Хүн хазсан тохиолдолд:
Нохой нь хүн хазвал эзнийг нь 5.4 сая төгрөгөөр торгож, нийтэд тустай ажил хийлгэх хүртэл арга хэмжээ авна.
Эрүүгийн Хуулиар хүлээх хариуцлага (Эрүүгийн хуулийн 20.15 дугаар зүйл):
Хүний эрүүл мэндэд хүндэвтэр хохирол учруулсан бол:
450-аас 5,400 нэгжтэй тэнцэх хэмжээний торгох, эсхүл 240-720 цаг хүртэл нийтэд тустай ажил хийлгэх, эсхүл 1 сараас 1 жил хүртэл зорчих эрхийг хязгаарлах ял шийтгэнэ.
Хүний эрүүл мэндэд хүнд хохирол учирсан, хохирогч нас барсан бол:
5,400-аас 27,000 нэгжтэй тэнцэх хэмжээний торгох, эсхүл 1-5 жил хүртэл хугацаагаар хорих ял шийтгэнэ.
Уриалга:
Иргэн бүр хариуцлагатай байцгаая!
Өдрийн цагаар нохойгоо уях, сул тавихгүй байхыг иргэдэд зөвлөж байна.
Бидний бяцхан үрс, ахмад настнууд болон нийт иргэд албан ажилдаа, сургуульдаа явахдаа айдасгүй, эрсдэлгүй орчинд байх ёстой.
Таны хариуцлага - Бидний аюулгүй байдал
ЗАМЫН-ҮҮД СУМЫН ЗАСАГ ДАРГЫН ТАМГЫН ГАЗАР
