ХУГАЦААТ ЦЭРГИЙН АЛБАНД ТАТАГДСАН ЗАЛУУС ЦЭРГИЙН ТАНГАРАГ ӨРГӨЛӨӨ
Монгол Улс үндсэн хуулиа баталж бүгд найрамдах улс болон тунхаглан зарласны түүхт 98 жилийн ойн өдөр байлдааны гавьяаны улаан тугийн одонт жанжин Д.Сүхбаатарын нэрэмжит Зэвсэгт хүчний 336 дугаар анги, 2022 оны 11 дүгээр сарын 27-ны өдөр Монгол улсын баатар Ч.Дугаржавын нэрэмжит цэргийн гавьяаны одонт Хилийн цэргийн 0184 дүгээр ангид 2022 оны 2 дугаар ээлжээр хугацаат цэргийн албанд татагдсан дайчдын цэргийн тангараг өргөх ёслолын ажиллагаа болж өндөрлөлөө.
Монгол Улсын үндсэн хуулиар хүлээсэн, иргэний цэргийн үүргээ биелүүлж хугацаат цэргийн албанд татагдсан залуус эх орондоо үнэнчийн баталгаа болох “Цэргийн тангараг”-аа эх орон, ард түмэн, аав ээж, ахан дүүсийнхээ өмнө өргөн анхан шатны сургалт, бэлтгэлд хамрагдаж цэргийн тангаргаа өргөж эх орны хүү боллоо.
