“ХӨГЖЛИЙН БЭРХШЭЭЛТЭЙ ИРГЭДИЙН ӨДӨРЛӨГ” ЗОХИОН БАЙГУУЛАГДЛАА
Жил бүр Дэлхий нийтээр 12 сарын 03-ний өдрийг “Хөгжлийн бэрхшээлтэй иргэдийн эрхийг хамгаалах өдөр” болгон тэмдэглэдэг.
Энэхүү өдрийг угтан Замын-Үүд сумын “Хөгжлийн бэрхшээлтэй иргэдийн өдөрлөг”-ийг 2022 оны 11 дүгээр сарын 23-ны өдөр Төмөр замын соёлын төвд зохион байгуулж, тулгамдаж буй асуудлыг сонсох, мэргэжлийн байгууллагуудад уламжлах, цаашид ямар арга хэмжээ зохион байгуулах тухай санал солилцож, зарим төрийн үйлчилгээг газар дээр нь үзүүллээ.
Сумын Засаг даргын шийдвэрээр “Хөгжлийн төв” буюу хуучнаар Нэгдсэн эмнэлгийн амбулаторийн барилгыг орон нутгийн төсвийн хөрөнгөөр засварлан төрийн бус байгууллагуудын үйл ажиллагааг хэвийн үргэлжлүүлэх нөхцөл бололцоог бүрдүүлж, ашиглалтад оруулсан. Энэхүү төвд сумын Хөгжлийн бэрхшээлтэй иргэд хамтран ажиллах, асуудлаа шийдвэрлэх, чөлөөт цагийг үр бүтээлтэй өнгөрүүлэх 1 өрөөний түлхүүрийг гардуулан өглөө.
Тус арга хэмжээнд
Нийгмийн даатгалын тасаг,
Хөдөлмөр, Халамж үйлчилгээний мэргэжилтэн
Борхойн наран өрхийн эрүүл мэндийн төв оролцож иргэдэд хөнгөлөлттэй эм бичих, эмийн багц тараах төрөөс үзүүлж байгаа үйлчилгээний чиглэлээр мэдээлэл хүргэж ажиллаа. Мөн Шонхор мэд хувийн эмнэлгээс 5 багийн 10 хөгжлийн бэрхшээлтэй иргэнийг тус бүр 200.000 төгрөгөөр үнэгүй эмчлэх эрхийн бичиг олгосон.
