ХӨГЖЛИЙН БОДЛОГЫН ТАСАГ

ХАРЬЯА БАЙГУУЛЛАГА

“БОРХОЙН БАЯН БҮРД” ОНӨ ААТҮГ-ЫН ТАНИЛЦУУЛГА

Эрхэм зорилго

Ойн нөөцийг хамгаалах, нөхөн сэргээх, үржүүлэх нэгдсэн бодлогыг орон нутагт  хэрэгжүүлэх, ойжуулалт нөхөн сэргээх шинжлэх ухааны үндэслэлтэй хийж “ТЭРГҮҮЛЭХ” байгууллага болоход чиглэнэ. 

Борхойн Баян Бүрд Орон нутгийн өмчит аж ахуйн тооцоот үйлдвэрийн газар нь 2017 оны 12 дугаар сарын 17-ны өдөр Замын-Үүд сумын Иргэдийн төлөөлөгчдийн хурлын 07/12 дугаар тогтоолоор анх үүсгэн байгуулагдаж, 2020 оны 04 дүгээр сарын 06-ны өдрийн А/112 дугаар Замын-Үүд сумын засаг даргын захирамжаар 4 хүний бүтэц орон тоотойгоор үйл ажиллагаагаа эхлүүлсэн. 2026 онд тус байгууллагын үйл ажиллагаа нь 25 хүний бүтэц орон тоотой үйл ажиллагаа явуулж байна.

ЗАМЫН-ҮҮДИЙН ДУЛААНЫ СТАНЦ ТӨҮГ-ЫН ТАНИЛЦУУЛГА

Замын-үүдийн дэд бүтцийг сайжруулах төслийн хүрээнд 2010 оны 05 дугаар сард ЗТБХБЯ, БНХАУ-ын КАМК инженеринг ХХК-ийн хооронд байгуулсан гэрээгээр өнөөгийн Үйлдвэрийн газрын үндэс суурь тавигдсан.

Засгийн газрын 2020.04.08-ны өдрийн 123 дугаар тогтоолоор "Замын-Үүдийн дулааны станц" Төрийн өмчит үйлдвэрийн газрыг үүсгэн байгуулж одоогоор 130 ажилтантайгаар Замын-Үүд суманд үйл ажиллагаагаа явуулж байна.

Эрчим хүчний сайдын 2021 оны 07 сарын 22-ны өдрийн А/129 дугаар тушаалын дагуу Станцын анхны галлагааг 2021 оны 10 дугаар сарын 01-ний өдрөөс эхлүүлэн, туршилт тохируулга, зүгшрүүлэлтийн ажлыг амжилттай хийж гүйцэтгэж 4 дахь жилдээ Замын-үүд сумын нийт айл өрх, албан байгууллагыг дулааны эрчим хүчээр хангаж ажиллаж байна. Нийт 55 инженер, техникийн ажилтантайгаар ажиллаж байна

Замын-үүд, Чөлөөт бүс нийлсэн нийт 16 Ус дулаан дамжуулах төвтэй. Одоогийн байдлаар 10 дулаан дамжуулах төвөөр хэрэглэгчдийг дулааны эрчим хүчээр найдвартай, тасралтгүй ханган ажиллаж байна. Дулааны шугам сүлжээний хэсэг нь инженер техникийн нийт 19 ажилчидтай.

Замын-Үүд сумын аж ахуйн нэгж байгууллага, иргэдийг хэрэглээний цэвэр усаар тасралтгүй хангахын тулд 8 гүний өрөмдлөгийн худгаас цэвэр ус олборлож 25,3 км урт дамжуулах шугамыг ашиглан хоногт 1000-1200 м.куб ундны усыг иргэдэд түгээж байна. Ус хангамжийн хэсэг нь инженер техникийн 10 ажилчидтайгаар ажиллаж байна.

“Замын-Үүдийн дулааны станц” ТӨҮГ нь дулаан хангамж, ус хангамж, ариутгах татуургын үйлчилгээг 34 төсөвт байгууллага , 12 төмөр замын байгууллага, 220 аж ахуйн нэгж, 3174 айл өрхөд үзүүлж ажиллаж гэмтэл гарсан тохиолдолд шуурхай засварын ажилчид 24 цагаар засварлаж иргэдийн ая тухтай амьдрах нөхцөлийг бүрдүүлэн ажиллаж байна. 

АВТОТЭЭВРИЙН ҮНДЭСНИЙ ТӨВ ТӨҮГ-ЫН ЗАМЫН-ҮҮД САЛБАРЫН ТАНИЛЦУУЛГА

Автотээврийн Үндэсний төв ТӨҮГ-н Замын-Үүд дэх салбар нь анх 1992 онд “Зорчигч тээвэр үйлчилгээний төв”-ийн харьяа Замын-Үүд “Улс хоорондын зорчигч тээврийн хэлтэс” нэртэйгээр байгуулагдаж, 2 ээлжийн автобустайгаар тээвэр зохион байгуулалтыг гүйцэтгэж байсан.  2010 онд үйл ажиллагааны чиглэлээ нэмэгдүүлж “Тээврийн хэрэгслийн оношилгоо зохицуулалтын алба” болон өөрчлөгдсөн. Үүний дараагаар 2013 онд “Автотээврийн Үндэсний төв ТӨҮГ”-н Замын-Үүд салбар нэртэйгээр  Улс, хот хоорондын тээвэр зохицуулалт, тээврийн хэрэгслийн бүртгэл, тээвэрлэлтийн болон техникийн аюулгүй байдлыг хангуулан үйл ажиллагаа улам өргөжүүлэн өдгөөг хүртэл ажиллаж байна

ҮЙЛ АЖИЛЛАГААНЫ ЭРХЭМ ЗОРИЛГО

Хоёр улсын ард түмний найрсаг харилцаа, худалдаа, эдийн засгийн хөгжилд түлхэц үзүүлэх, хоёр улсын хооронд олон улсын авто замаар ачаа, зорчигч тээвэрлэх үйл ажиллагааг улам хөгжүүлэх зорилгоор 2023 оны 06 дугаар сарын 28-ны өдөр байгуулсан “Олон улсын автотээврийн харилцааны тухай Монгол Улсын Засгийн Газар, Бүгд Найрамдах Хятад Ард Улсын Засгийн газар хоорондын хэлэлцээр”-ийг үндэслэн дараах зүйлүүдийг хэлэлцэн тохиролцов.

ЗАМЫН-ҮҮД САЛБАРЫН БҮТЭЦ

Замын-Үүд салбар нь нийт 30 албан хаагчтай ба үүнд:

• Салбарын дарга
• Ахлах нягтлан бодогч
• Нягтлан бодогч
• Дотоод ажил хариуцсан мэргэжилтэн
• Нярав-Бичиг хэрэг
• Автотээврийн хяналтын мэргэжилтэн - 2
• Бүртгэлийн мэргэжилтэн – 3
• Техникийн хяналтын үзлэгийн инженер – 4
• Тээвэр зохицуулагч – 14
• Үйлчлэгч – 2

ДОРНОГОВЬ АЙМГИЙН ЗАМЫН-ҮҮД СУМЫН ЗАСАГ ДАРГЫН ТАМГЫН ГАЗАР ТӨРИЙН ЗАХИРГАА ХУУЛЬ ЭРХ ЗҮЙН ТАСАГ

ХЭВЛЭЛ МЭДЭЭЛЭЛ, ОЛОН НИЙТТЭЙ ХАРИЛЦАХ МЭДЭЭЛЭЛ ТЕХНОЛОГИ ХАРИУЦСАН МЭРГЭЖИЛТЭН: А.САРАНГЭРЭЛ

УТАСНЫ ДУГААР: 90600346