МОД ҮРЖҮҮЛГИЙН ГАЗРЫН НЭГДСЭН ТООЛЛОГО БҮРТГЭЛИЙН АЖЛЫН ХҮРЭЭНД ЗАСГИЙН ГАЗРЫН ХЭРЭГЖҮҮЛЭГЧ АГЕНТЛАГ ОЙН ГАЗРЫН МЭРГЭЖИЛТНҮҮД ЗАМЫН-ҮҮД СУМАНД ИРЖ АЖИЛЛАА.
Засгийн газрын хэрэгжүүлэгч агентлагийн Ойн газрын мэргэжилтнүүд “Борхойн баян бүрд” ОНӨ ААТҮГ-ын мод, суулгацын нэгдсэн тооллогыг хийж, үйл ажиллагаатай нь танилцлаа.
“Борхойн баян бүрд” ОНӨ ААТҮГ нь мод үржүүлгийн 1га газарт 8х40 м хэмжээтэй хоёр хүлэмжид үрийн тарилтаар нарс, жигд, бүйлс, чонон хармаг, цагаан харгана, өрөл, далан хальс, интоор зэрэг олон төрлийн мод сөөгийг туршилт судалгаа, үржүүлгийн зориулалтаар ургуулж байна. Мөн хаврын үрийн тарилтаар жигд 7000 ширхэг орчим, Агч 5000 ширхэг, цагаан харгана 11000 ширхгийг тус тус үржүүлж арчилгаа хамгаалалт тогтмол хийж ажиллаж байна.
Мөн ил талбайд хайлаас 3000 ширхэг, мөнгөлөг улиас 1000 ширхэг, жигд 20000 ширхэг, сухай 31200 ширхэг, бургас 1000 ширхэг, бойжуулалтын талбайд хоёр настай сухай 1250 ширхэг, бүйлс 450 ширхэг суулгацуудыг тус тус бойжуулж байна.
