ЗАМЫН-ҮҮД СУМ БОЛОН БНХАУ-ЫН ЭРЭЭН ХОТ ХООРОНД “БАЙГАЛЬ ОРЧНЫГ ХАМГААЛАХ ХАМТЫН АЖИЛЛАГААНЫ УУЛЗАЛТ” БОЛЛОО.
Замын-Үүд сумын захиргаа болон БНХАУ-ын Эрээн хотын Ардын засгийн ордон 2023 оны 06 дугаар сарын 27-ны өдөр БНХАУ-ын Эрээн хотод “Байгаль орчныг хамгаалах болон хамтран ажиллах тухай уулзалт” -ыг зохион байгууллаа.
Монгол Улсын Байгаль орчин, аялал жуулчлалын яам болон БНХАУ-ын Байгаль орчны яам хоорондын хамтын ажиллагааны тухай харилцан ойлголцох санамж бичгийг хэрэгжүүлэх хүрээнд уур амьсгалын өөрчлөлт, агаарын бохирдлоос сэргийлэх, биологийн олон янзын чанарыг хамгаалах, цөлжилт, шороон шуургатай тэмцэх зэрэг салбарын хамтын ажиллагаанд санал бодлоо солилцож хоёр улсын стратегийн алсын хараанаас хоёр орны байгаль орчныг хамгаалах хамтын ажиллагааны санамж бичгийн хүрээнд хоёр талын бүс нутгийн байгаль орчныг хамгаалахад хамтран ажиллахад оршино.
Тус санамж бичигт
• Замын-Үүд-Эрээний хил дамнасан хамгаалалтын ногоон зурвас байгуулах
• Цөлжилттэй хамтран тэмцэх
• Хоёр хотын хооронд хүний хүчээр цаг агаарт нөлөөлөх хамтын ажиллагааг хамтран судлах
• Хил дамнасан ногоон шинэ эрчим хүчний үйлдвэрлэлийн талаар хамтран судлах
• Биологийн олон янз чанарыг хамгаалах тухай эрдэм шинжилгээний хамтын ажиллагааг судлах, хил дамнасан Монгол, Хятад тал хээрийн олон улсын паркийг байгуулахад судлах, зээр, хулан, аргал зэрэг олон төрлийн зэрлэг амьтан оршин амьдрах, нүүдэллэх тохиромжтой орон зайгаар хангаж, биологийн олон янзын чанарыг хамгаалах хамтын ажиллагааг өргөжүүлэх санамж бичигт гарын үсэг зурлаа.
