ЗАМЫН-ҮҮД СУМАНД 105 ӨРХ ШИНЭ ОРОН СУУЦНЫ БАТЛАМЖ ГАРДАН АВЛАА
Замын-Үүд суманд түрээслээд өмчлөх зориулалтаар ашиглалтад орж буй “Мандах наран-2” хорооллын орон сууцанд хамрагдах хүсэлт гаргасан иргэдийн баримт материалыг Дорноговь аймгийн Засаг Даргын Орлогч даргаар ахлуулсан ажлын хэсэг журмын дагуу хянаж, сонгон шалгаруулалт хийлээ.
Нийт 791 иргэн хүсэлт гаргаснаас 105 өрх айл журмын шаардлагыг хангасан гэж үзэн сонгогдож, шинэ орон сууцныхаа батламжийг гардан авлаа.
Тус хөтөлбөр нь иргэдийг орон сууцжуулах, амьдрах орчныг сайжруулах, нийгмийн баталгааг хангах зорилготой бөгөөд төр, хувийн хэвшлийн хамтын ажиллагааны хүрээнд хэрэгжиж байна.
ХОЛБООТОЙ БИЧЛЭГҮҮД
