ЗАМЫН-ҮҮД СУМЫН 2023 ОНЫ САГСАН БӨМБӨГИЙН ЛИГ ЭХЭЛЛЭЭ
Замын-Үүд суманд 6 дахь жилдээ зохион байгуулагдаж буй сагсан бөмбөгийн “Замын-Үүд Лиг” 2023 оны 02 дугаар сарын 12-ны өдөр нээлтээ хийлээ. “ Замын-Үүд Лиг”-ийг уламжлал болгон зохион байгуулснаар хүүхэд залуучуудын чөлөөт цагийг зөв боловсон өнгөрүүлэх, сагсан бөмбөгийг хөгжүүлэх тамирчдын ур чадварыг нэмэгдүүлэхэд оршино. “Замын-Үүд Лиг”-т Ерөнхий боловсролын 3 сургуулийн ахлах ангийн сурагчид нэг багт 2 тамирчин оролцон тоглож байгаа нь онцлогтой байна.
Тус нээлтийн арга хэмжээнд урилгаар Эрээн хотын шигшээ баг Замын-Үүд сумын шигшээ багтай нөхөрсөг тоглолтыг үзүүллээ.
2023 оны “Замын-Үүд Лиг”-т 8 багийн 120 тамирчин оролцож 2 тойргоор тоглолт зохион байгуулагдана. Тухайн тэмцээнд
- Hit zone
- Дорнын шуурга
- ЗДТГ-ын Соёмбо
- Гаалийн Шонхорууд
- Залуучуудын Хөгжлийн зөвлөл
- Авто тээврийн Үндэсний төв
- Ялгуун
- Монотранс гэсэн багууд авхаалж самбаа сорин өрсөлдхөөр баг болон оролцож байна.
