2022-2023 ОНЫ ХИЧЭЭЛИЙН ШИНЭ ЖИЛИЙН БАЯРЫН МЭНД ХҮРГЭЕ
Жил бүрийн 09 сарын 01-ний энэ өдөр Монгол орны өнцөг булан бүрд хичээлийн шинэ жилийн анхны хонх цангинаж, эрдмийн өргөө болсон сургууль, цэцэрлэг бүр хүүхэд сурагчдын хөл хөдөлгөөнд дарагдаж, бидний ирээдүй болсон энхрий үрс эрдмийн их аянаа эхлүүлдэг билээ.
Энэ жил Замын-Үүд суманд нийт 4 сургуулийн 4300 гаруй сурагч суралцахаас нэгдүгээр ангид 440 гаруй хүүхэд элсэн суралцаж байна. Мөн 2022-2023 оны хичээлийн жилд орон нутгийн 60 сая төгрөгийн хөрөнгө оруулалтаар хүүхдийн 2 дугаар цэцэрлэгийн дээврийн засвар, 115 сая төгрөгийн хөрөнгө оруулалтаар 3 хүүхдийн 3 дугаар цэцэрлэгийн гадна пасад, дээврийн засварын ажлыг тус тус хийж гүйцэтгэлээ.
Алдраа бяцхан үрс, сэргэлэн цовоо хүүхдүүд, эрдмийн их өргөөний эзэд багш нартаа хичээлийн шинэ жилийн баярын мэнд хүргэхийн ялдамд эрдмийн их үйлсэд нь өндрөөс өндөр амжилт хүсье.
