АНУ-ын Элчин Сайдын Яамны Консулын газрын Дэд консул хатагтай Мэлиса Уитни 2022 оны 10 дугаар сарын 25-26-ны өдрүүдэд Замын-Үүд суманд ажиллаж байна.
Тэрээр сумын Засаг даргатай уулзаж орон нутгийн хамтын ажиллагаагаа бэхжүүлэх, аливаа байгалийн гамшигт үзэгдлийн үеэр гадны иргэдэд хэрхэн тусламж үзүүлэх нөөц бололцоо байгаа талаар мэдээлэл авч, харилцан санал солилцлоо.
Сумын Засаг даргаас цаашид боловсролын салбарт хамтран ажиллах санал тавьж, “Англи хэлтэй Дорноговьчууд” аймгийн дэд хөтөлбөрийг танилцуулж, хүүхэд багачуудын гадаад хэлний мэдлэгт бодит дэмжлэг үзүүлэх, ном сурах бичгээр хангах, чадварлаг багш боловсон хүчнийг орон нутагт ажиллуулах саналыг уламжиллаа.
Мөн сумын ерөнхий боловсролын сургуулийн ахлах ангийн сурагчдад Америк виз хэрхэн хүсэх, анхаарах асуудлуудын талаар мэдээлэл өгч, сурагчдын сонирхсон асуултад хариулт өглөө.
