Ерөнхий боловсролын 3 сургуульд зөөврийн компьютер гардууллаа.
Сумын Засаг даргын “Хөгжлийн төлөө бид хамтдаа-2” үйл ажиллагааны хөтөлбөр, Хүүхдийн хөгжлийг дэмжих жилийн хүрээнд, багш бүрийг зөөврийн компьютертой болгох зорилтыг тавин ажиллаж байна. Мөн цахим сургалтын системийг нэвтрүүлэх, тоног төхөөрөмжийн тоог нэмэгдүүлэхэд анхаарч багш сурагчдын мэдлэг мэдээллийг хөгжүүлэх, сурах орчин нөхцөл, хангамжийг сайжруулах, сургалтыг удирдан явуулах багш нарынхаа мэдлэг, мэдээллийг дээшлүүлэхэд дэмжлэг үзүүлэн Ерөнхий боловсролын 3 сургуулийн багш нарт зөөврийн 15 ширхэг компьютерыг тухайн байгууллагын удирдлагуудад гардуулан өглөө.
