НАМРЫН НОГООН ӨДРҮҮД , ШИЛМЭЛ МАЛ ҮЗЭСГЭЛЭН” ХУДАЛДАА ЗОХИОН БАЙГУУЛАГДАЖ БАЙНА.
Жил бүр уламжлал болон зохион байгуулагддаг тус үзэсгэлэн худалдаагаар сумын үйлдвэрлэгчдийн шилдэг бараа бүтээгдэхүүн, тариаланчдын шинэ ургацын дээжийг үйлдвэрлэгчийн гараас хэрэглэгч олонд шууд хүргэх, Аймгийн хэмжээнд үйлдвэрлэл эрхлэгчдийн бараа бүтээгдэхүүнийг сурталчлан таниулах боломжийг олгодог.
Уг үзэсгэлэн худалдаанд орон нутгаас Борхойн хишиг ХХК жимс, хүнсний ногоо, Морс трейд энд сервис ХХК талх, нарийн боов, иргэн Ч.Баасандорж модон эдлэл, иргэн Т.Отгонбаяр ноосон урлал, иргэн Х.Хадбаатар арьсан эдлэл, малчин М.Алтан-Очир Х.Ганбаатар, Д.Балбурмаа , Л.Хүрлээ нар нь монгол үүлдрийн 3 ухна, 2 хуц, 1 эм хонь, 1 эм ямаа, 2 бух, 1 тугалтай үнээтэй тус тус оролцож байна.
Мөн 10 малчин Сайншанд сумын үхрийн ферм, тахианы аж ахуй, хүлэмжийн аж ахуйтай танилцаж, туршлага судалж байна.
Үзэсгэлэн худалдаа Дорноговь аймгийн Сайншанд суманд 9 дүгээр сарын 17-ны өдөр хүртэл зохион байгуулагдана.
НИЙТ ОРОЛЦОГЧИДДОО АМЖИЛТ ХҮСЬЕ.
