“ЦАЙНЫ ЗАМЫН НЭРЭМЖИТ АВТО АЯЛАЛ” ЗАМЫН-ҮҮДЭД АЙЛЧИЛЛАА
Монгол Улс, БНХАУ, ОХУ-ын Аялал жуулчлалын сайд нарын IX уулзалт Дархан хотод зохион байгуулагдаж буйтай холбогдуулан гурван улсын хамтын ажиллагааг бэхжүүлэх зорилготой “Цайны замын нэрэмжит авто аялал” эхэллээ.
Энэхүү олон улсын авто аялалд БНХАУ-ын Өвөр Монголын Өөртөө Засах Орны (ӨМӨЗО) авто клубууд болон аялал жуулчлалын бизнесийн төлөөлөл нэгдэн, Хөххотоос хөдөлж Замын-Үүд–Эрээн хилийн боомтоор дамжин Монгол Улсад анхлан саатлаа.
Аялагчид Замын-Үүд суманд зочлон, монгол ахуй, нүүдэлчин соёл, малчин өрхийн амьдралтай танилцаж, монголын уламжлалт соёлын өвийг сурталчлан харилцан туршлага солилцов.
Энэхүү арга хэмжээ нь “Цайны зам”-ын дагуух улс орнуудын соёл, аялал жуулчлал, найрсаг харилцааг гүнзгийрүүлэхэд чухал хувь нэмэр оруулж байна.
