“ЗОРИЛГЫН ХҮЧ-3” АРГА ХЭМЖЭЭНД ТЭРГҮҮЛСЭН БАГШ, СУРАГЧДЫГ ШАГНАЖ УРАМШУУЛАВ
Багш мэргэжлийн үнэлэмжийг нэмэгдүүлэх, сайн туршлагыг түгээн дэлгэрүүлэх, элсэлтийн ерөнхий шалгалтад бэлтгэх үйл ажиллагааг эрчимжүүлэх, сурагчдыг идэвхжүүлэх, шалгалтад амжилттай дүн үзүүлэхэд дэмжлэг үзүүлэх зорилгоор Аймгийн Засаг даргын Тамгын газар, DTV телевиз, Боловсрол, шинжлэх ухааны газар хамтран “Зорилгын хүч-3” арга хэмжээг зохион байгууллаа.
“Зорилгын хүч-3” арга хэмжээний хүрээнд
-Зөвлөх багш зөвлөж байна
-Санаачилгатай эртэч хүүхэд
-Мэргэжлийн бүлэг-Хамтын хөгжил
-Элсэлтийн ерөнхий шалгалтын сорил
-Багш сурагчдад зориулсан сургалт зэрэг олон талт арга хэмжээг зохион байгуулж, 10 сургуулийн 12 дугаар ангийн ЭЕШ өгөх 22 ангийн 553 сурагч хамруулсан.
Анги хамт олны төрөлд
ГУТГААР БАЙР: Замын-Үүд сумын ерөнхий боловсролын 2 дугаар сургуулийн Г.Мөнхцэцэг багштай 12а ангийн хамт олон
Санаачилгатай эртэч хүүхэд аяны төрөлд
ТЭРГҮҮН БАЙР: Замын-Үүд сумын ерөнхий боловсролын 2 дугаар сургуулийн Э.Уранчимэг багштай 12б ангийн хамт олон
ДЭД БАЙР Замын-Үүд сумын ерөнхий боловсролын лаборатори 1 дүгээр сургуулийн А.Ариунгэрэл багштай 12а ангийн хамт олон
Мэргэжлийн бүлэг Хамтын хөгжил уралдааны төрөлд
ДЭД БАЙР: Замын-Үүд сумын ерөнхий боловсролын лаборатори 1 дүгээр сургуулийн Түүх нийгмийн ухааны багш нарын баг
Монгол бичгийн олимпиадын тэргүүн байранд лаборатори 1 дүгээр сургуулийн 6а анги, 7д анги, 8г анги, ерөнхий боловсролын 2 дугаар сургуулийн 9а ангийн хамт олон нар шалгарлаа.
Энэ жил 12 дугаар ангийг 3 сургуулийн 173 сурагч төгсөх бөгөөд элсэлтийн ерөнхий шалгалт 2022 оны 06 дугаар сарын 23-ны өдрөөс 26-ны өдрийн хооронд улсын хэмжээнд зохион байгуулагдана.
Номын цагаан буян дэлгэрэх болтугай.
