“ЗУУНМОД CUP” ЧӨЛӨӨТ БӨХИЙН ТЭМЦЭЭНД ЗАМЫН-ҮҮДИЙН ТАМИРЧИД АМЖИЛТ ГАРГАЛАА
Төв аймгийн Зуунмод хотноо хотын захирагчийн ивээл дор зохион байгуулагдсан “Зуунмод Cup” чөлөөт бөхийн олон хотын тэмцээнд Монгол Улс болон ОХУ-ын нийт 38 байгууллагын 1075 өсвөр үеийн тамирчид хурд хүч, авхаалж самбаагаа сорин өрсөлдөж, шилдгүүдээ тодрууллаа.
Тус тэмцээнд Дорноговь аймгийн Замын-Үүд сумыг төлөөлөн Соёл, спортын ордны дасгалжуулагч Ю.Даваажаргалын удирдлагатай баг амжилттай оролцож дараах үр дүн гаргалаа.
Хөвгүүдийн жинд:
• U-13 насны 54 кг-ийн жинд — Дашжаргалын Тэлмүүн (Замын-Үүд сумын 3-р сургууль) хүрэл медаль
Охидын жинд:
• U-14 насны 48 кг-ийн жинд — Батмэндийн Наран (2-р сургууль) мөнгөн медаль,
• U-11 насны 45 кг-ийн жинд — Эрдэнэбаярын Шүрэн-Эрдэнэ (4-р сургууль) хүрэл медаль хүртлээ.
Амжилттай оролцсон тамирчдаа хүлээн авч уулзсан Замын-Үүд сумын Засаг даргын албан үүргийг түр орлон гүйцэтгэгч Б.Сайнбаяр спортын амжилтыг нь үнэлж, цол зэрэг гардуулан баяр хүргэлээ.
Замын-Үүд сумын ЗДТГ-аас энэхүү тэмцээнд амжилт гаргасан тамирчид, дасгалжуулагч Ю.Даваажаргал болон тэдний ар гэрийнхэнд халуун баяр хүргэж, цаашдын тэмцээн уралдаанд өндөр амжилт, спортын ялалтаар бялхсан амжилт хүсэн ерөөж байна.
